Bëhuni pjesë e konkursit “Hajde n’Shqipni’’, promovoni vendin dhe fitoni çmime

Bëhuni pjesë e konkursit “Hajde n’Shqipni’’, promovoni vendin dhe fitoni çmime

Hajde n'Shqipni

Për shkak të lëvizjes së kufizuar përtej kufijve, shumë prej nesh do të pushojnë në Shqipëri këtë verë. Fatmirësisht në vendin tonë ka aq shumë destinacione të pazbuluara, sa që mund të eksploroni gjatë të gjithë verës.

Për t’ju njohur me këto destinacione, BusinessMag ka kënaqësinë të shpallë konkursin “Hajde n’Shqipni!’’. Ne synojmë të promovojmë Shqipërinë, për të nxitur turistët vendas e të huaj të vizitojnë çdo cep të bukur të saj. Prandaj hapni celularët, shkoni në galerinë tuaj dhe kontrolloni për fotot dhe videot më të bukura që keni shkrepur. Nëse asnjë prej tyre nuk është e duhura, rrëmbeni celuarin dhe shkrepni tani një copëz të bukur Shqipërie.

Përveç promovimit të Shqipërisë, pjesëmarrësit do të fitojnë edhe çmime. Falë bashkëpunimit të BusinessMag dhe New Media Communications me ALBtelecom, Aladini, Luga e Argjendtë, Mrizi i Zanave, Agroturizëm Gjepali dhe Hotel Adriatik do të ndajmë 6 çmime për 6 fitues të konkursit.

  • 1 VIT INTERNET FALAS nga ALBtelekom – Videoja që do të vlerësohet profesionalisht nga stafi i New Media Communications.
  • “SHPORTA E TOKËS” nga Luga e Argjendtë – Fotoja që do të vlerësohet profesionalisht nga stafi i New Media Communications.
  • 1 NATË PËR DY PERSONA nga Agroturizëm Gjepali – Videoja që do marrë më shumë pëlqime, komente dhe shpërndarje në faqen @businessmag.al
  • 1 NATË PËR DY PERSONA nga Mrizi i Zanave – Fotoja që do marrë më shumë pëlqime, komente dhe shpërndarje në faqen @businessmag.al
  • 1 NATË PËR DY PERSONA nga Adriatik Hotel – Fotoja e dytë që do marrë më shumë pëlqime, komente dhe shpërndarje në faqen @businessmag.al
  • 5000 LEKE BLERJE nga Aladini – Fotoja ose videoja që shpërndahet më shumë në story me hashtagun #hajdenshqipni dhe duke bërë tag @businessmag.al

Konkursi fillon në datën 3 Gusht 2020 dhe mbaron në datën 10 Shtator 2020. Konkursi do zhvillohet vetëm në platformën Instagram të Business Magazine Albania.

Si të merrni pjesë në konkurs:

  • Postoni në profilin tuaj foton ose videon me hashtag #hajdenshqipni, duke bërë tag @businessmag.al
  • Dërgoni foton tuaj në email (info@businessmag.al) ose Whatsapp në (+355 68 682 8208)

RREGULLAT  E KONKURSIT

  • Konkursi do të zhvillohet vetëm në faqen e instagramit @businessmag.al, ku postimet tuaja do të bëhen repost dhe i gjithë vlerësimi do të bazohet nga aktiviteti në instagram
  • Videot nuk duhet të jenë më shumë se 1 minutë.
  • Videot dhe fotot duhet të jenë shkrepur në Shqipëri nga ju personalisht.
  • Në postimet tuaja duhet të vendosni lokacionin e vendit që keni fotografuar shoqëruar me një tekst të shkurtër, ku të shkruani ndjesitë, sugjerimet dhe çdo gjë që ju mund t’ju duket e nevojshme në lidhje me këtë vend. Duhet të keni parasysh që po ia sugjeroni këtë vend personave të tjerë.
  • Konkurrentët që përdorin truke gjatë konkursit për qëllime përfitimi do të skualifikohen. Pjesëmarrja juaj në këtë konkurs konfirmon që jeni 13+ vjec, në përputhje me rregullat e përdorimit të Instagram.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0