Komisioni Europian ka ftuar të gjithë shtetet anëtare që të zgjasin edhe për 30 ditë të tjera mbylljen e kufijve, deri më datën 15 maj, për të evituar përhapjen e mëtejshme të COVID-19, për të shmangur përhapjen e koronavirusit.
Në njoftimin e publikuar nga Komisioni Europian thuhet se këto masa përbëjnë një aspekt thelbësor për kufizimin e përhapjes së pandemisë brenda dhe jashtë kufijve europianë.
Edhe presidentja e Komisionit Europian, Ursula von der Leyen, me anë të një postimi në Twitter, ka shpjeguar se BE-ja po bën gjithçka për të mbrojtur qytetarët e vendeve anëtare, teksa janë hequr kufizimet për eksportet dhe është rritur prodhimi i medikamenteve thelbësore në luftën ndaj COVID-19.
Ndërkohë, Organizata Botërore e Shëndetësisë ka paralajmëruar Bashkimin Europian që të mos ulë masat kufizuese, por të dyfishojë përpjekjet për të mposhtur virusin Covid-19.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English