Punonjësit e bizneseve, që vazhdojnë rregullisht të ushtrojnë aktivitetin e tyre, mund të qarkullojë me makinat personale në orarin e lejuar (06:00-08:00 dhe 16:00-17:00), duke bërë vetdeklarimin online të lëvizjes së tyre.
Vetëdeklarimin mund ta bëni duke plotësuar formularin online këtu.
Për bizneset që ushtrojnë aktivitetin e tyre jashtë Tiranës, të cilët duan të akreditojnë automjetet për lëvizje personeli apo mallra brenda qarkut, duhet t’i drejtohen Sektorit të Policisë Rrugore të qarkut ku kanë vendbanimin dhe ushtrojnë aktivitetin e tyre.
Gjithashtu, Bashkimi i Dhomave të Tregtisë dhe Industrisë së Shqipërisë është në kontakt me Drejtorinë e Policisë, për të zgjidhur sa më parë të gjitha problematikat e shprehura nga bizneset, për pjesën e autorizimeve dhe është komunikuar që shumë shpejt, ata që kanë kërkuar autorizime, do të marrin një përgjigje nga adresa që është vënë në dispozicion.
Bashkimi i Dhomave të Tregtisë dhe Industrisë së Shqipërisë u bën thirrje bizneseve, nëse kanë propozime konkrete që mund ta lehtësojnë këtë proces, t’ia dërgojnë sa më parë që të mund të hartohet një dokument për t’ja dërguar qeverisë.
Informacione të mëtejshme lidhur me akreditimin dhe lëvizjen e punonjësve të bizneseve mund t’i gjeni duke klikuar DPSHTRR dhe Policia e Shtetit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
