Pas lajmeve të zymta mbi gjendjen e ekonomisë që kanë pllakosur kontinentin e vjetër fillimisht prej kufizimeve gjunjëzuese të pandemisë së koronavirusit, e më pas prej pasojave zhinxhur të luftës në Ukrainë, nga Brukseli mbërrijnë lajme për dritë në fund të tunelit.
Dega ekzekutive e bllokut europian bën parashikime optimist për rritjen ekonomike këtë vit, dhe pret që unioni të shmangë një recesion. Sipas Komisionit Europian, rritja për 20 vendet e BE-së që përdorin monedhën euro pritet të mbërrijë në 0.8% dhe rritja e përgjithshme për bllokun 27-anëtarësh duhet të prekë nivelin 0.9%.
Lexo edhe: Rama jep lajmin: Studentët shqiptarë mund të studiojnë në Europë virtualisht
“Rritja ekonomikë për këtë vit është rishikuar, dhe do të jetë më e lartë. Ajo llogaritet tani tek 3.5 %, pra 0.3% më shumë nga sa projektohej në vjeshtë. Kjo ishte situata në 2022-shin, dhe tani, për 2023-shin ekonomia e BE-së parqashikohet të shtrihet me 0.8%, që nënkupton 0.5% më shumë nga projeksionet e vjeshtës.” – u shpreh Paolo Gentiloni, komisioner europian i ekonomisë.
Nivelit të lartë të depozitimit të gazit natyror që ka zbuti frikën e racionimit të energjisë gjatë dimrit, duke se i është faturuar merita kryesore e këtij përmirësimi. Sipërmarrjet dhe qeveritë europiane nxituan të gjenin furnizime të reja alternative pasi Rusia ndërpreu shumicën e furnizimeve të gazit natyror në Europë, në mesin e agresionit në Ukrainë. Çmimet e gazit natyror, i përdorur për ngrohjen e shtëpive, industrinë e karburantit dhe prodhimin e energjisë elektrike, arritën nivele rekord verën e kaluar, duke u shtuar deri në 18 herë mbi nivelin e para krizës, cka i bëri familjet dhe bizneset të reduktojnë përdorimin e tyre. Por që prej asaj pike kulmore, cmimet kanë pësuar rënie, edhe pse vazhdojnë të mbëten sërish të larta krahasuar me periudhën përpara konfliktit të Ukrainës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
