Steve Wozniak, bashkëthemeluesi i Apple, ka paralajmëruar se, inteligjenca artificiale mund të pengojë dallimin e mashtrimet dhe dezinformatat.
Ai tha se i druhet faktit që teknologjia do të shfrytëzohet nga aktorë të këqij, pasi sipas tij, “Inteligjenca artificiale është aq inteligjente dhe e hapur për aktorë të këqij, për ata që duan t’ju mashtrojnë duke mos treguar të vërtetë se kush janë”.
Ai nuk beson se inteligjenca artificiale do t’i zëvendësojë njerëzit, sepse AI i mungojnë emocionet, por paralajmëroi se ajo do t’i bëjë “aktorët e këqij” edhe më bindës, sepse, programet si ChatGPT mund të krijojnë tekste që duken të menccura.
Wozniak shtoi se përmbajtja e inteligjencës artificiale duhet të etiketohet qartë. Sipas tij, përgjegjësia për çdo gjë të krijuar nga inteligjenca artificiale dhe më pas të postuar në publik, duhet t’u mbetet atyre që e publikojnë.
Këto fjalë vijnë nga shpikësi i kompjuterit në bashkëpunim me Steve Jobs.
Lexo: Steve Jobs: një zgjedhje i ndan ata që veprojnë nga ëndërrimtarët
Javën e kaluar, Shtëpia e Bardhë ka thirrur në takim shefat e disa kompanive të teknologjisë, për t’i këshilluar ata që ta mbrojnë publikun nga rreziqet e inteligjencës artificiale.
ChatGPT dhe produkte të tjera të AI, si Bard, po u ofrojnë përdoruesve të zakonshëm mundësi bashkëveprimi me atë që njihet si “inteligjencë artificiale gjeneruese”. Ajo mund të përmbledhë informacione nga burime të shumta brenda sekondave, të shkruajë prezantime, e madje edhe poezi, që tingëllojnë në mënyrë të besueshme, sikur të jenë të shkruara nga njerëz.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English