Bankat Amerikane “në garë” për të hyrë në botën e kriptove. Citigroup do të punësojë 100 njerëz për asetet digjitale - Business Magazine Albania

Bankat Amerikane “në garë” për të hyrë në botën e kriptove. Citigroup do të punësojë 100 njerëz për asetet digjitale

Citigroup Inc. po kërkon të punësojë 100 njerëz si pjesë e një shtytje të re në asete dixhitale brenda biznesit të saj institucional, sipas një personi të njohur me këtë çështje. Si pjesë e përpjekjes, firma zgjodhi Puneet Singhvi si kreun e saj të ri të aseteve dixhitale brenda grupit të klientëve institucionalë, sipas një memorandumi për stafin të parë nga Bloomberg News.

“Ne jemi të fokusuar në vlerësimin e nevojave të klientëve tanë në hapësirën e aseteve dixhitale,” tha Citigroup në një deklaratë të dërguar me email. “Para se të ofrojmë ndonjë produkt dhe shërbim, ne po studiojmë këto tregje, si dhe peizazhin rregullator në zhvillim dhe rreziqet e lidhura me to, në mënyrë që të përmbushim kornizat tona rregullatore dhe pritshmëritë mbikëqyrëse.”

Lexo edhe: Start-upi për pagesat në kripto që do rivalizojë Paypal merr financime rekord nga investitorët

Ky vrull punësimi nga Citigroup vjen ndërsa bankat më të mëdha të vendit kërkojnë gjithnjë e më shumë mënyra për t’u zgjeruar në botën e egër të kriptomonedhave. Banka e Amerikës krijoi një ekip kërkimor për kriptomonedha në fillim të këtij viti, ndërsa JPMorgan Chase & Co dhe Goldman Sachs Group Inc. kanë filluar të ofrojnë kriptomonedhat në formën e derivative të tregtueshme (ETF).

Ekipi i Singhvi do të ofrojë ekspertizë dhe do të përshkruajë një strategji për mënyrën se si bizneset e ndryshme brenda grupit të klientëve institucionalë të Citigroup – i cili përfshin tregtimin, shërbimet e letrave me vlerë, bankingun e investimeve dhe degën e zgjidhjeve të thesarit dhe tregtisë:

“Ne besojmë në potencialin e blockchain dhe aseteve dixhitale duke përfshirë përfitimet e efikasitetit, përpunimit të menjëhershëm, fraksionalizimit, programueshmërisë dhe transparencës”, tha Turner në memorandumin drejtuar stafit. “Punët dhe ekipi do të fokusohen në angazhimin me aktorët kryesorë të brendshëm dhe të jashtëm, duke përfshirë klientët, startup-et dhe rregullatorët.”

Singhvi po i bashkohet ekipit të zhvillimit të biznesit të Turner nga biznesi tregtar i Citigroup, ku ai ishte kreu i blockchain dhe aseteve dixhitale.

Bloomberg 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0