Banka Qendrore Evropiane i mbajti të pandryshuara planet e saj stimuluese dhe normat e interesit, përballë inflacionit rekord, ndërsa lufta në Ukrainë zbehu pritshmëritë mbi ekonominë e eurozonës.
Duke u takuar për herë të dytë që nga nisja e luftës, këshilli drejtues i bankës prej 25 anëtarësh i qëndroi një plani që parashikon fundin e skemës së blerjes së bonove në tremujorin e tretë. ndërsa një rritje e normës së interesit do të vijë pak kohë më vonë pasi programi stimulues të përfundojë tha Presidentja e BQE-së Christine Lagarde.
“Ne duhet të jemi të vetëdijshëm për faktin se kur ka një luftë, kur ka zhvillime të mëdha që nuk parashikohen që nuk janë pjesë e modeleve të së shkuarës, është tepër e vështirë ta integrosh atë se cfarë ke menduar në të vërtetë.”
Lexo edhe: Në Amerikë inflacioni arrin nivelin më të lartë në 40 vite
Deri më tani institucionet si Banka e Anglisë, Banka Qendrore Amerikane dhe Banka e Kanadasë kanë miratuar rritjen e tyre të parë të normave të interesit si përgjigje ndaj rritjes së inflacionit.
Thirrjet që BQE-ja të ndjekë shembullin sa më shpejt të jetë e mundur nga brenda këshillit qeverisës janë bërë më të forta pasi rritja e çmimeve në eurozonë është rritur.
Inflacioni vjetor arriti në 7.5 përqind në mars, niveli më i lartë i regjistruar në vitet e fundit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
