Banka hungareze “OTP” ka njoftuar zyrtarisht marrëveshjen e blerjes së 100% të aksioneve të “Alpha Bank” në Shqipëri, për një shifër prej 55 milionë eurosh
. Zyrtarizimi i marrëveshjes ka ardhur pikërisht këtë të hënë. “Alpha bank” është një prej 4 bankave më të mëdha greke, dhe kjo lëvizje është pjesë e strategjisë së bankave greke për t`u larguar nga rajoni dhe për t`u përqendruar më shumë brenda vendit. “Alpha Bank” në Shqipëri ndërkohë është banka e 8-të më e madhe në vend, duke zënë rreth 5% të tregut.
Nga ana tjetër banka hungareze “OTP”, e pranishme në Shqipëri aktualisht që pas blerjes së “Societe Generale”, duket se do të rrisë ndjeshëm pjesën e saj të tregut, për të arritur në një total prej 11%. “OTP” njofton gjithashtu se transaksioni pritet të përfundojë në fund të tremujorit të dytë të vitit të ardhshëm, pasi të marrë aprovimin e autoriteteve mbikëqyrëse në vendin tonë.
Gjatë viteve të fundit, sektori bankar ka ndjekur një trajektore konsolidimi, ku është reduktuar numri i bankave që operojnë, nga 16, në 12 aktualisht. Veç kësaj, një sërë grupesh bankare të huaja, veçanërisht ato greke, janë larguar nga vendi, duke shitur aksionet e tyre te investitorë vendas apo të huaj, siç është edhe rasti i “OTP”, grupit bankar hungarez, i cili tashmë zë një pjesë të konsiderueshme të tregut bankar në vendin tonë./SCAN
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English