Baboon Delivery, platforma lider e dërgesave në Shqipëri, sjell një inovacion të ri që pritet të ndryshojë mënyrën si konsumatorët përjetojnë procesin e porosisë online: teknologjinë e re të “Live Tracking”, një sistem inteligjent që lejon klientët, restorantet dhe motorristët të ndjekin në kohë reale çdo hap të porosisë, nga momenti i gatimit deri në dorëzim.
Pse “Live Tracking” është një hap përpara?
Në një industri ku çdo minutë ka rëndësi, pyetja që ekipi i Baboon ia bën vetes çdo ditë është e qartë: “Çfarë mund të bëjmë më shumë që porositë e klientëve tanë të dorëzohen sa më shpejt?” Në biznesin e dërgesave “real time”, kompleksiteti është i lartë: në më pak se 30 minuta, restoranti duhet të gatuajë, motorristi të marrë porosinë dhe ta dorëzojë te klienti. Brenda këtij minutazhi, ndodhin dhjetëra procese, dhe çdo sekondë ka peshë. Kështu lindi ideja: a mund të zgjidhet kjo sfidë me proces apo me teknologji? Përgjigjja ishte e thjeshtë: me teknologji të avancuar.
Lexo edhe: #RunForDSA – Kur maratona e Tiranës bëhet garë për përfshirje dhe shpresë
Si funksionon “Live Tracking”
Falë sistemit të ri, çdo përdorues i Baboon, që nga 15 Tetori, mund të shohë në kohë reale:
- Sa minuta i duhen restorantit për përgatitjen e ushqimit
- Kur motorristi niset drejt vendndodhjes
- Sa minuta mbeten deri në dorëzim
Në të njëjtën kohë, edhe partnerët restorante dhe motorristët kanë qasje në të njëjtat të dhëna, duke mundësuar koordinim perfekt dhe efikasitet maksimal në çdo fazë të procesit.
Rezultatet e para: një sukses që flet vetë
Vetëm disa javë pas lançimit, rezultatet janë mbresëlënëse.
Përqindja e porosive intime (on-time deliveries) ka arritur 92%, një rekord për tregun vendas.
Synimi i ekipit Baboon është i qartë: ta çojë këtë shifër në mbi 98% për çdo porosi të dorëzuar nga motorristët Baboon.
Një arritje kolektive që pasqyron kulturën e inovacionit
Pas këtij suksesi qëndron puna e përbashkët e ekipit të Teknologjisë, Produktit dhe Logjistikës, të cilët për gati një vit kanë punuar për të ndërtuar këtë sistem të integruar, që sot sjell një eksperiencë më të shpejtë, transparente dhe të sigurt për çdo klient. Ky është një moment historik për Baboon Delivery, një dëshmi se inovacioni dhe kujdesi ndaj klientit janë në zemër të çdo zhvillimi të ri.
Provoje tani
Shkarko versionin më të fundit të aplikacionit Baboon Delivery në [App Store] dhe [Play Store] dhe provo vetë përvojën e “Live Tracking” në kohë reale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
