Babagjyshi sekret 2020, shkruani në adresën Poli i Veriut, Kutia Postare Nr. 47

Babagjyshi sekret 2020

Ardhja e periudhës më të bukur të vitit sjell bashkë me zbukurimet e dritat, edhe iniciativat për të plotësuar nevojat dhe dëshirat e personave në nevojë apo të atyre që për 11 muaj të vitit nuk kanë pasur mundësi të bëjnë realitet disa prej dëshirave të tyre më të mëdha.

Pikërisht, për këtë ka menduar Shoqata URA, e cila për 5 vite rradhazi tashmë pret biletën e Babagjyshit nga Poli i Veriut drejt në Shqipëri. Këtë vit i është bashkuar iniciativës edhe Raiffeisen Invest, për të bërë edhe më shumë fëmijë të lumtur.

Të gjithë fëmijët mund të nisin një letër, ku shkruajnë një dëshirë të tyren dhe ta nisin nëpërmjet postës më të afërt në adresën: Babagjyshi, Poli i Veriut, Kutia Postare Nr 47.

Lexo: Keni një dilemë mbi dhuratën perfekte për festat? Ja një zgjidhje praktike dhe origjinale

Nga ana tjetër, me marrjen e letrave nis thirrja e të gjithë personave të njohur e të panjohur që duan të jenë për fundvit Babagjyshë Sekretë dhe të plotësojnë dëshirat e një apo më shumë letrave që vijnë në adresë të Babagjyshit, të cilat mund t’i gjejnë në faqen: www.babagjyshisekret.al
Kështu, të gjithë ata që duan të jenë Babagjyshë të Vitit të Ri për një ditë, kanë tashmë mundësinë të jenë të tillë dhe të bëjnë dikë të lumtur.

Përgjatë 4 viteve, në postën e Babagjyshit kanë mbërritur gjithsej 9100 letra, ku 6924 prej tyre janë publikuar dhe 3008 janë dëshira të plotësuara.
Kjo ka bërë që organizatorët të punojnë për publikimin e një libri në bashkëpunim me autoren Persida Asllani dhe shtëpinë botuese PEGI, të sjellin një libër për të gjithë fëmijët e moshave 5 – 14 vjeçë.

“Udhëtimi i Babagjyshit në qytetin e 1001 dritareve” – quhet libri që sjellë për lexuesit e vegjël dhe të rritur, jetesën e Elfëve dhe Babagjyshit në Polin e Veriut, të cilët zbresin në qytetin e BERATIT.

Librin e blini online ose fizikish https://www.babagjyshisekret.al/libri-i-babagjyshit/

Jo vetëm kaq, po në këtë vit të pestë, “elfët” kanë publikuar edhe një këngë që do të kthehet në kolonë zanorë të festave të Fundvitit dhe të gjithë këtij proçesi të bukur, këngë që është realizuar nga Venera Lumani, Lind Islami dhe Elgi Doda.

Dëgjojeni këngën Këtu

Prandaj, nëse nuk keni dërguar akoma dëshirën tuaj, shkruajeni tani dhe nisen në adresën e Babagjyshit, Poli i Veriut, Posta nr. 47… dhe nëse keni dëshirë të jeni një prej Babagjyshërve Sekretë të këtij viti, vizitoni faqen www.babagjyshisekret.al

Festat janë më të bukura kur të gjithë janë të lumtur.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale