Një ekip në Les Sables-d’Olonne, Francë, i udhëhequr nga eksploratori zvicerian Bertrand Piccard, është duke ndërtuar një aeroplan me energji hidrogjeni të quajtur Climate Impulse. Climate Impulse, është projektuar për të fluturuar pa ndalesë rreth ekuatorit në vetëm nëntë ditë, duke u mbështetur ekskluzivisht në hidrogjenin e gjelbër. Objektivi i tyre ambicioz është të jenë të parët që do të udhëtojnë rreth globit duke përdorur këtë aeroplan me energji hidrogjeni, me një datë të parashikuar fluturimi për vitin 2028. Testimet janë planifikuar të fillojnë në vitin 2026.
Piccard është i njohur për fluturimet rreth botës me një balon dhe një aeroplan me energji diellore të quajtur Solar Impulse. Megjithatë, ai pohon se aeroplanët me energji diellore “nuk janë praktikë për aviacionin komercial.”
Ai shpjegoi se nëse do të kishim aeroplanë më të mëdhenj, do të kishim nevojë për bateri më të mëdha dhe një pjesë e energjisë do të humbiste duke transportuar këto bateria të rënda.
Projekti përshkruhet si një aventurë për veprim në klimë që synon të rikthejë besimin në zgjidhjet teknologjike për dobinë e përbashkët. Ai ka për qëllim të demonstrojë potencialin e hidrogjenit të gjelbër si një burim karburanti të qëndrueshëm për aviacionin.
“Shumë njerëz thonë se nuk mund të dekarbonizohet aviacioni. Climate Impulse është thirrja ime kundër skepticizmit, kundër të gjithë atyre që thonë se nuk ka zgjidhje,” deklaroi Piccard në një intervistë për CNBC Tech: The Edge.
Climate Impulse ka veçori teknike unike për të arritur qëllimin ambicioz të tij. Ai ka një ndryshim të dukshëm nga silueta e zakonshme e aeroplanëve tradicionalë.
Dizajni i veçantë i aeroplanit përfshin një kapsulë të vogël në qendër për pilotët, e rrethuar nga dy rezervuarë të mëdhenj të hidrogjenit të lëngshëm. Një krah i hollë lidh këto komponentë. Çdo rezervuar ka një helikë të montuar përpara dhe një bisht, që ndihmojnë në propulsim ajri dhe stabilitet.
Lexo edhe: 3 hapa për të kultivuar mendësinë e një novatori!
Megjithatë, sfida kryesore është ruajtja e hidrogjenit të lëngshëm në një temperaturë jashtëzakonisht të ulët, afër zero absolut, gjatë fluturimit prej nëntë ditësh.
“Sfida teknologjike kryesore është ndërtimi i një aeroplani rreth dy rezervuarëve të hidrogjenit të lëngshëm të mbajtur në -253°C, që fuqizojnë motorët elektrikë përmes grimcave të karburantit,” shpjegoi Raphaël Dinelli, i cili po mbikëqyr dizajnimin dhe ndërtimin e Climate Impulse.
Për këtë, ekipi ka punuar në krijimin e rezervuarëve termikë “revolucionarë” që mund të mbajnë gjendjen e karburantit stabël gjatë gjithë fluturimit.
Ndërtimi i Climate Impulse mbështetet fort në materiale dhe teknologji të avancuara. Për këtë, projekti ka bërë partneritet me kompaninë shkencore Syensqo për të zhvilluar këto sisteme të avancuara.
“Jemi të emocionuar të jemi pjesë e këtij fluturimi suprem, një udhëtim i pandërprerë dhe pa ndotje, përreth botës, i fuqizuar nga hidrogjeni i gjelbër,” shprehu CEO i Syensqo, Ilham Kadri.
Pas dy vitesh kërkimi, zhvillimi dhe dizajni intensiv nga një ekip i mbështetur nga Airbus, ndërtimi i avionit Climate Impulse pritet të përfundojë pas dy vjetësh.
Pavarësisht sfidave, ekipi i Climate Impulse është i optimist se gjithçka do të shkojë sipas planeve të tyre.
Ndërsa bota përballet me nevojën urgjente për të reduktuar emetimet e karbonit, Climate Impulse përfaqëson një hap të guximshëm drejt një të ardhmeje më të gjelbër për aviacione.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
