Automjetet elektrike janë vënë në krye të agjendave klimatike të kryebashkiakëve të SHBA-së, sipas një sondazhi të ri nga Konferenca e Kryetarëve të Bashkive në SHBA. Më shumë se gjysma e 103 kryebashkiakëve të anketuar i quajtën ato teknologjinë më premtuese për reduktimin e energjisë dhe karbonit, ndërsa pothuajse po aq përmendën ndërtesat me energji eficente si një teknologji të rëndësishme.
Gjetjet tregojnë rritje të interesit midis drejtuesve të qytetit për automjetet me emetim zero, duke pasqyruar theksin e Presidentit Joe Biden për automjetet elektrike në politikat e tij klimatike. Në një studim të ngjashëm të vitit 2016, vetëm një e katërta e kryebashkiakëve përmendën automjetet elektrike si prioritetin më të rëndësishëm.
Lexo edhe: Ford dhe Rivian anullojnë planin për të zhvilluar së bashku një makinë elektrike
Teknologji të tjera që drejtuesit e qytetit planifikojnë t’i japin prioritet përfshijnë energjinë diellore dhe LED ose ndriçim tjetër me efikasitet energjetik. Rreth 70% e kryetarëve të bashkive identifikuan fushat kryesore ku ata planifikojnë të përmirësojnë efikasitetin dhe të reduktojnë konsumin si investimi në ndërtesa publike dhe ndryshimi i burimeve të energjisë. Transporti publik, nga ana tjetër, u quajt objektivi kryesor nga vetëm 28% e kryebashkiakëve. Kjo pasqyron një theks të ngjashëm te makinave elektrike mbi tranzitin publik në konferencën e fundit COP26, pavarësisht paralajmërimeve se rritja e përdorimit të transitit publik do të jetë çelësi për arritjen e objektivave të emetimeve.
Në sondazh, kryetarët e bashkive thanë me shumicë dërrmuese se sfida më e madhe për përmirësimet e efiçencës së energjisë është kostoja, duke përfshirë kufizimet e buxhetit vendor, financimin e kufizuar shtetëror dhe federal dhe kostot e larta fillestare për infrastrukturën. Në të kundërt, vetëm 4% e kryetarëve të bashkive thanë se mungesa e mbështetjes publike ishte një pengesë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
