Çmimi i Madh i Japonisë i këtij sezoni, i planifikuar për datat 8-10 tetor, është anuluar për shkak të rritjes së rasteve të Covid në vend.
“Vendimi është marrë nga qeveria japoneze për të anuluar garën këtë sezon për shkak të kompleksitetit të vazhdueshëm të pandemisë,” tha Formula 1.
“Formula 1 po punon për rishikimin e kalendarit dhe do të shpallë detajet përfundimtare në javët e ardhshme.”
Japonia do të ishte e 17-ta nga 23 raundet e këtij sezoni.
Garat në Australi, Kinë, Kanada dhe Singapor tashmë janë anulluar për këtë sezon, ku Çmimi i Madh i Turqisë fillimisht u anulua, por më vonë u rikthye.
Lexoni: Pandemia COVID-19: Formula 1 ka humbur 320 milionë euro
“Formula 1 ka vërtetuar këtë vit, si dhe në vitin 2020, se ne mund të përshtatemi dhe të gjejmë zgjidhje për pasiguritë e vazhdueshme dhe është i lumtur nga niveli i interesit në vendet ku do të mirëpresin eventin e Formula 1 këtë vit dhe më gjerë,” shtoi Formula 1.
Është viti i dytë radhazi që gara japoneze nuk është zhvilluar për shkak të pandemisë Covid-19, me ngjarjen e vitit 2019 të ndikuar nga tajfuni Hagibis.
Japonia priti garën përfundimtare të sezonit gjashtë herë në fund të viteve 1990 dhe në fillim të viteve 2000, megjithatë kalendari i vitit 2021 do të përfundojë me Çmimin e Madh të Arabisë Saudite më 5 Dhjetor, e ndjekur nga finalja në Abu Dhabi një javë më vonë.
Sezoni vazhdon me Çmimin e Madh të Belgjikës në Spa më 29 gusht. Lewis Hamilton i Mercedes mban një epërsi të ngushtë me tetë pikë ndaj Max Verstappen të Red Bull në renditjen e shoferëve.
/bbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
