Audi dhe Hyundai kanë filluar një bashkëpunim për makinat me hidrogjen. Kjo, me shpresën që të rrisin praninë e tyre në këtë sektor dhe të krijojnë një të ardhme më të qëndrueshme.
Hyundai është makina e parë që masivizoi këtë teknologji. Së fundmi, ajo ka prezantuar Nexo, SUV e parë të dedikuar për hidrogjen. Me një licensë të përbashkët, të dy kompanitë do të kenë akses në disa komponentë të përbashkët. Audi kështu do të ketë akses në njohuritë e fituara nga Nexo dhe Tucson.
“Kjo teknologji është forma më e rregullt e makinave elektrike. Kështu që është një aset i fuqishëm në portofolin tonë teknologjik për makinat me zero emetim gazrash dhe për të ardhmen.” – u shpreh Peter Mertens, anëtar i bordit për Zhvillimin teknik pranë Audi. “Në hartën tonë, ne po bashkojmë forcat me Hyundai. Për një teknologji të qëndrueshme, kooperimi është një rrugë e mirë me kosto shumë të favorshme.”
Por, kjo nuk është hera e parë që 2 kompani bashkohen për këtë teknologji. Duke filluar nga viti 2020, Honda dhe General Motors planifikojnë të ndërtojnë teknologji të avancuar për këto sisteme nën një joint-venture.
Hidrogjeni lejon një distncë më të gjatë drejtimi të makinës dhe kohë më të shkurtër për t’u mbushur se makinat tradicionale elektrike. Audi kështu është përgjegjës për gjithë Volkswagen Group për zhvillimin e kësaj teknologjie.
Burimi: Motor Trend
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
