Nëse jeni admirues i filmave “Back to the Future” apo thjesht ju pëlqejnë shumë atletet, do t’ju pëlqejë edhe ky lajm: Nike ka prezantuar atlete të përballueshme që lidhen vetë.
Atletet Adapt BB janë publikuar këtë të Djelë në web dhe thuajse janë shitur të gjitha.
Sipas Nike, këto atlete janë dizenjuar për një ecje më të rehatshme. “Nike Adapt BB është atletja jonë e parë që lidhet vetë e prodhuar për ata që luajnë basketboll,” shkruhet në faqen e Nike.
Falë një aplikacioni mobile që lidhet me këpucët nëpërmjet Bluetooth, përdoruesit mund të rregullojnë përshtatjen e lidhëseve. Aplikacioni Adapt, është i disponueshëm për iOS dhe Android. Ai ndryshon gjithashtu dhe dy ngjyrat LED në këpucë.
“Të forta, por njëkohësisht fleksibël, ato përshtaten në këmbë duke ju dhënë një ndjesi sigurie gjatë lojës. Ky opsion mundësohet nga aplikacioni Nike Adapt, i cili ju lejon të rregulloni karakteristikat përmes smartphone-it tuaj.”
https://twitter.com/Nike/status/1085182211010134016
Mesa duket e ardhmja ka mbërritur.
Çmimi real i atleteve është 350 dollarë. I shtrenjtë, por më i përballueshëm krahasuar me brandet e tjera që kanë prodhuar atlete futuriste.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
