AstroTourism Albania, fituesi i parë i StartUp 3,  “The Steps for Creating a Successful Business” » Business Magazine Albania – Media Dixhitale dedikuar Sipërmarrjes
Përditësuar së fundmi: 23/11/2018

AstroTourism Albania, fituesi i parë i StartUp 3,  “The Steps for Creating a Successful Business”

Share
nga Admin
Nën 23, 2018
Business Magazine Albania constitutes an online periodical publication of business related articles. It is the first of
lexo me teper >

Ideja e parë fituese në StartUp 3 është ajo e tureve astronomike. Një ide që synon të ofrojë ture, ku mund të vrojtohen yjet. Ndiqni më poshtë intervistën me mësuesin e matematikës dhe fizikës që merret njëkohësisht me turizëm.

Mund të na tregoni pak rreth jush dhe si lindi ideja juaj e biznesit?

Unë jam Albert Kaleci, 27 vjeç. Mësues shkence i specializuar në lëndën Matematikë-Fizikë dhe udhërrëfyes në fushë e turizmit natyror.

Pasioni im për të eksploruar natyrën dhe fenomenet astronomike u kthye në një ide inovative rreth Astro Turizmit në vendin tonë.

Cili është misioni i projektit të biznesit, çfarë risie sillni, dhe cilat mendoni se janë avantazhet tuaja konkurruese?

AstroTourism Albania do të jetë një agjenci unike për nga lloji i saj në të gjithë Ballkanin. Ajo do të operojë në fushën e turizmit dhe do të ofrojë Ture Astronomike (Shikim të yjeve) një produkt inovativ dhe risi në fushën e turizmit.

Pse mendoni se idea juaj mund të kthehet në një biznes të suksesshëm?

Së pari AstroTour është risi në vendin tonë. Vendndodhja dhe destinacionet e veçanta janë gjithashtu avantazh krahas njohurive teknike dhe profesionale.

Pas pjesëmarrjes eventit StartUp 3, cilët janë hapat që do të ndiqni për ta kthyer idenë e biznesit në realitet? – Regjistrimi në QKR.; Brandimi i Produktit.; Blerja e pajisjeve të nevojshme.; Hedhja në treg e Paketave.

Si e imagjinoni biznesin tuaj pas 5-10 vitesh? Cili është vizioni juaj?

Ajo çfarë parashikoj 5-10 vite më vonë janë Astro Turet të shpërndara në të gjithë Shqipërinë dhe Rajon si dhe punësim  i 15 personave profesionistë.

Ndërtimi i një Observatori Astronomik multifunksional si dhe hapje kursesh dhe praktikash profesionale për studiues dhe studentë nga Universitetet vendase dhe rajonale.