Në dhjetor të 2021 Ministria e Kulturës hapi thirrjen për mbështetje konkrete për industritë krijuese në vend, duke cekur të gjithë sektorët kulturorë, duke synuar forcimin e kapaciteteve të artistëve dhe operatorëve kulturorë, përmirësimin e cilësisë artistike, promovimin e prodhimeve të tyre dhe lehtësimin e qasjes së tyre në mekanizmat inovativë të financimit.
Një ndër fituesit e kësaj thirrjeje ishte edhe projekti AR – Arti Revolucionar i cili synonte të promovonte artin, kulturën dhe krijimtarinë artistike përmes teknologjisë digjitale duke sjellë në vëmëndje veprat e 10 prej artistëve më të mirë shqiptar të të gjitha kohërave dhe 10 artistëve të rinj. Ky projekt solli historinë drejt të ardhmes përmes teknikave digjitale ekrane LED dhe audio për të shtuar emocionin në çdo imazh, duke na lejuar të ndjejmë energjinë krijuese të artisteve pjesëmarrës.
Veçantia e këtij projekti ishte fakti që u ndërthurën 10 vepra të artistëve të rinj dhe 10 vepra që i përkasin fondit të veprave të Galerisë Kombëtare të Arteve.
Arti Revolucionar u financua nga Ministria e Kulturës në kuadër të thirrjes për projekt-propozime 2022 në art-kulturë dhe trashëgimi kulturore dhe u implementua nga Majlinda Bara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
