Arsyet pse duhet të vizitoni Shqipërinë, ASAP

Arsyet pse duhet të vizitoni Shqipërinë, ASAP

~7 minuta lexim


*ASAP – (as soon as possible) Sa më shpejt të jetë e mundur 

Për një kohë të gjatë Shqipëria është injoruar si një destinacion turistik. Për shumë vite, Shqipëria ka qenë nën udhëheqjen e regjimit më shtypës komunist totalitar në histori, ndërkohë edhe Koreja e Veriut ka patur partneritete në tregti dhe diplomaci më shumë sesa Shqipëria kishte 30 vite më parë. Këto janë disa fakte interesante për Shqipërinë në histori.

Doli nga prangat e totalitarizmit në 1991, pa GDP dhe praktikisht pa ekonomi. Vendi u përfshi në një skemë piramidale në të cilën shqiptarët humbën 1.2 miliardë $ në 1997 dhe kjo e çoji vendin në kaos. Por gjërat janë shumë ndryshe tani, dhe ndërsa shteti është akoma larg për të arritur fqinjët e tij në Europë, ai po bën hapa të mëdhenj drejt përparimit të qëndrueshëm. Shqipëria është një vend me histori të gjatë pothuajse 5000 vjeçare me influencë nga grekët, romakët, venecianët, bizantinët dhe otomanët. Për ta përmbledhur, Shqipëria në atë që po ndodh në shekujt e fundit është dritëshkurtër, Shqipëria ka vuajtur, por është duke ecur me hapa të pabesueshëm dhe me të drejtë po lind si një destinacion turistik.

Të gjithë duhet të dëgjojnë për këtë vend të bukur. Këtu janë 7 arsye pse ju duhet të planifikoni pushimet tuaja në Shqipëri sa më shpejt të jetë e mundur.

1- Nuk është vetëm e përballueshme, është e lirë

Buxheti i udhëtimit kudo në Ballkan është i lirë me përjashtim të Kroacisë krahasuar me Europën Perëndimore. Por Shqipëria është më e lirë se fqinjët e saj kur bie fjala për transportin dhe koston e ushqimit. Një udhëtim 6 orësh me autobus do t’ju kushtojë vetëm 7$ dhe 3 vakte me një ekspres 8$.

2- Plazhet janë më të mirat në Europë

Më falni Kroaci, Itali, Greqi dhe Mali i Zi e di që do të kundërshtoni për këtë, por Shiqipëria ka plazhet më të mira në Europë. Plazhet shkëmbore e bëjnë ujin një mrekulli, uji kristal të duket sikur jeta jote reale ka qenë një fotoshop. Ksamili, plazhet e Himarës dhe Dhërmiut janë më të njohur. Koha në Shqipëri është e njëjtë me pjesën tjetër të Europës kështu që ju do të keni ditë të nxehta me diell gjatë gjithë verës.

Lexoni: 10 pyetje që çdo i huaj bën kur viziton Shqipërinë për herë të parë

3- …Dhe nuk janë të populluar

Ndryshe nga fqinjët më të njohur të veriut dhe të jugut do të keni më shumë hapësirë kur të shkoni në plazh në Shqipëri. Ka dhe shumë plazhe të fshehura. Himara është një qendër e shkëlqyer e plazheve më të mira në Rivierë, plus akomodimet në hotel në këtë zonë janë jashtëzakonisht të lira.

4- Shqiptarët janë jashtëzakonisht bujarë

Nuk më janë ofruar ndonjëherë më shumë gjëra në jetën time qoftë tortë në anë të rrugës nga dikush që e kam pyetur për drejtimin, një ekspres në një kafene ose raki sesa atëherë kur udhëton në Shqipëri.

5- Perëndimet përgjatë bregdetit janë të pabesueshme

Gjatë gjithë kohës që udhëtoni nëpër Shqipëri do të përballeni me perëndime befasuese po aq të bukur sa Greqia dhe Kroacia, por me gjysmën e çmimit të tyre. Udhëtoni në Shqipëri dhe zbuloni bukurinë natyrore të vijës bregdetare.

6- Ju duhet të mësoni marrëdhënien dashuri-urrejtje me rakinë 

Rakia është e distiluar nga rrushi ose kumbulla e njohur në të gjithë Ballkanin, por e dashur veçanërisht në Shqipëri. Netët më të mira dhe mëngjeset më të këqija zakonisht janë “pjellë” e rakisë.

7- Besa është shumë e rëndësishme për shqiptarët

Për shekuj me radhë shqiptarët kanë respektuar kodin e besës që në thelb nënkupton detyrën e tyre për t’u kujdesur për njerëzit që e vizitojnë Shqipërinë. Kjo do të thotë që edhe nëse udhëton vetëm përmes Shqipërisë, nuk do të jesh kurrë i vetmuar.

Përkthyer nga Rudina Muçi

/EternalArrival

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Ndryshimi nuk është i dhimbshëm. Rezistenca ndaj tij është.”
— Tim Ferriss
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0