Arsimi fleksibël, mundësi efektive për t’iu përgjigjur tregut të punës


Cilat janë sot dinamikat e strukturës së zhvillimit ekonomik në Shqipëri dhe si po u përgjigjet sistemi arsimor‑ Në Shqipëri, disa shkolla profesionale po aplikojnë metoda efektive dhe praktike të të mësuarit në shkollë dhe në punë. Kjo falë projektit zviceran “Aftësi për Punë”. Megjithatë, ndryshimi kërkon ende shumë punë.

Nisur nga dinamika e disa sektorëve, veçanërisht turizmit, nevoja për punonjës të kualifikuar pritet të jetë në rritje. Henry Leerentveld, Drejtor për Europën Lindore në Swisscontact, theksoi gjatë Shkollës Verore se ndryshimi është shumë i nevojshëm në sistemin e AFP-së. Ai u shpreh se projekti “Aftësi për Punë” e ka vendosur fokusin tek marrëdhënia mes institucioneve të AFP-së dhe bizneseve, me perspektivë për t’i bërë këto institucione sa më konkurruese.

Synimi i AFP-së është të rrisë mundësinë e punësimit të të rinjve. Në mënyrë që kjo të realizohet sa më mirë, idealisht drejtori i shkollës duhet të jetë më shumë menaxher sesa mësues. Kjo ka ndodhur në shkollën Hamdi Bushati në Shkodër. Praktikat e nxënësve, zhvilluar pranë bizneseve këto vite, kanë mundësuar punësimin e dhjetëra të rinjve tashmë dhe lidhja shkollë-biznes është bërë shumë e fortë. Megjithatë, ka edhe një tjetër kategori të rinjsh që ka nevojë për integrim më efektiv në tregun e punës. Flasim për ata që kanë mbaruar shkollën e mesme të përgjithshme, nuk kanë një profesion dhe nuk arrijnë të bëhen pjesë e universitetit.

Gjatë shkollës verore, u theksua se ky hendek mund të kalohet përmes ofrimit të kualifikimit të nivelit të 5-të. Në këtë rast, flitet për ofrimin e programeve profesionale pas shkollës së mesme, të cilat duhet të orientohen nga nevojat e sektorit privat. Kjo mund të jetë një zgjidhje efikase për uljen e përqindjes së të rinjve që nuk janë në punësim, në trajnim apo nuk ndjekin shkollën.

Artikulli u publikua më parë në faqen 36 të numrit 22 të revistës Business Magazine Albania. Ju mund të Shfletoni Këtu  nr. 22 të saj.

Fation Dragoshi, Menaxher i projektit “Aftësi për Punë”, u shpreh se rritja e mesatares me 0,5 për regjistrimin në universitet ka bërë të shtohet numri i të rinjve që përfundojnë shkollën e mesme dhe nuk arrijnë të ndjekin studimet e larta. Nga statistikat rezulton se pjesa më e madhe e të rinjve që janë punëkërkues afatgjatë, kanë mbaruar shkollën e mesme e nuk kanë kualifikime të mëtejshme. Dragoshi tha se kjo sfidë duhet parë si mundësi: tregu ka nevojë për teknikë të lartë dhe niveli i 5-të e siguron këtë. Ai u shpreh se ekipi i projektit “Aftësi për Punë” po përpiqet të krijojë një dialog të strukturuar në këtë drejtim me bizneset dhe ofruesit e AFP-së.
Në përputhje me kuadrin ligjor, si institucionet e arsimit të lartë dhe institucionet e AFP-së mund të ofrojnë programe pas shkollës së mesme. Megjithatë, pavarësisht nevojës në rritje për këto programe vetëm institucionet e arsimit të lartë kanë praktika të ofrimit të kualifikimit të nivelit të 5-të, ndërsa mundësia dhe modalitetet e ofrimit për institucionet e AFP-së janë ende të paqarta.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale