Krenohemi kur lexojmë për shqiptarët e suksesshëm jashtë vendit. Kur ato janë gra, krenaria është e dyfishtë. Dr. Argita Zalli është një nga shqiptarët që ka ngritur lart imazhin e vendit. Në një intervistë të zhvilluar nga BusinessMag.al Argita na flet lidhur me shkollimin, gjërat e vyera që ka në jetë, projektet dhe planet e së ardhmes. Së fundi ka qenë e angazhuar me disa zbulime të fushës së saj. Një nga këto zbulime lidhet me stresin, rolin negativ që ka ai në sistemin imunitar, si ai e prish balancën mes disa qelizave të ndryshme dhe redukton abilitetin e trupit për të luftuar sëmundjet.
Pjesë e angazhimeve të saj ka qenë edhe analizimi i të dhënave nga një studim i madh në Angli, nga i cili ka zbuluar se njerëzit që kanë një inflamacion persistent në shkallë të ulët, mund të prediktojë simptomat depresive tek njerëzit. Studimet e saj janë publikuar nga gazetat dhe revistat më prestigjoze në Angli. Aktualisht po merret me disa dizenjime dhe projekte të shkollës së mjeksisë, të cilat, pritet të vihen në funksion në tetor me studentët e vitit të ardhshëm. Ajo po punon fort edhe për disa projekte të tjera lidhur me universitetin. Argita punonte vitin e kaluar si lektore me studentët e mjeksisë dhe gjithashtu ka bërë kërkime shkencore në fushën e Hematologjisë.
Vitin e kaluar dha kontribuitin e saj në një nga programet e studimit, i cili u krijua në 2018-ën për herë të parë, ndërsa tani është specialiste në fushën e pedagogjisë. Mënyra se si studentët ia shpërblejnë orët e saj të lodhjes dhe përkushtimit e ka nxitur të fillojë sërish një tjetër studim, i cili fokusohet në pedagogjinë në universitet. Bursa është trevjeçare, part- time dhe është financuar nga universiteti.
Për BusinessMag.al ajo thotë: “Jam në pikën më të mirë të karrierës time. Studentët i shoh si klientët e mi. Prandaj ndiehem e detyruar që të bëj çmos që të jenë të plotësuar në aspektin mesimor. Jam gjithmonë e hapur me studentët për të arritur atë që ata synojnë duke u munduar t’ju ofroj një eksperiencë multi-dimensionale në universitet për t’i përgatitur për punë në të ardhmen e tyre të afërt, ku ndyshimi po evoluon me shpejtësi. Mes meje dhe studentëve nuk ka barriera”.
Kthimet e saj të shpeshta në Shqipëri, herë për punë e herë për të kryer një mision të veçantë, i quan si gjënë më të arrirë. “Shqipërinë e kam gjithmonë me vete”- thotë ajo. Kthehet vazhdimisht për koferenca të ndryshme në Shqipëri, Kosovë e Maqedoni. Në vitin 2017 së bashku me motrën e saj ajo mbajti një koferencë sensibilizuese në lidhje me kancerin e gjirit me studentë të mjekësisë e me gra. Përtej suksesit, nuk anashkalon edhe pjesën humanitare që zhvillon me fëmijët në nevojë në Shqipëri. Gjithë rrugëtimin e saj, shprehet se nuk do t’ia kishte dalë pa përkrahjen e familjes dhe mësuesve të saj. E aq më pak nuk lë pa përmendur gjyshin Llazi, i cili e ka motivuar që të vogël për t’u marrë me mjeksi. Për Argitën karriera është e lidhur me jetën e njeriut, është ajo ç’ka na formon, është një pjesë e jetës, por familja është gjëja më e shenjtë në jetë. “Asaj duhet t’i përkushtohemi me çdo kusht”,- e mbyll rrëfimin e saj Argita Zalli.
Lexo: Bora Qesja, e suksesshme përtej kufijve
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English