Presidentja e Money Strong thotë se, bitcoin që dukej e pandalshme në 2017-ën, duke u rritur nga nën 1 mijë dollarë në fillim të vitit në gati 19 mijë dollarë, do të shembet në 2018-ën. “Fluska e bitcoin ka kohë që ka tejkaluar çdo përmasë të regjistruar më parë. Nëse rritja do të vazhdonte gjatë gjithë vitit 2018, ne do të jemi në një telash të vërtetë, pasi atëherë do të ketë aftësinë për të ndotur pjesë të tjera të sistemit financiar dhe ta rrënojë atë”.
Arben Malaj, thekson se ekspertët po e krahasojnë rritjen e shpejtë të bitcoin me rritjen e çmimeve të tulipanëve në vitet 1630. “Në rastin e krizës së tulipanëve, hollandezët shitën edhe shtëpitë e tyre për të blerë farat e tulipanëve, duke shpresuar se rritja e çmimit të tyre do të sillte fitime të jashtëzakonshme. Kriza nuk vonoi, tullumbacja e çmimeve të larta plasi. Humbjet rezultuan katastrofike”.
Këtë fundjavë njoftohet nga tregjet ndërkombëare se monedha ka pësuar një zhvlerësim që i kalon 20% në vetëm ditët e fundit. Niveli i Bitcoin ka zbritur në gati 13 mijë dollarë, sipas Financial Times.
Lexoni: A është Bitcoin një skemë Ponzi?
Institucione të ndryshme financiare kanë shprehur vazhdimisht shqetësimin për vlerësimin e shpejtë të monedhës. Edhe Banka e Shqipërisë ka njoftuar pak kohë më parë se investimet në para virtuale mund të jenë me rrezik duke theksuar se në Shqipëri nuk ka kompani në vend që merret me tregtimin e tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
