Apple zbulon pajisjet që do të zëvendësojnë plotësisht Iphone-in


Apple dëshiron të zëvendësojë produktin e tyre më të famshëm, iPhone me syzet e mençura, brenda një dekade.

Shembujt e parë të syzeve të tilla pritet të shfaqen që në vitin 2022.

Një vit më vonë, modele më “të hijshme” do të shfaqen në treg, ndërsa në 10 vitet e ardhshme, modelet e reja do ‘të eleminojnë’ plotësisht telefonat e mençur.

Lexoni:

Bëjeni iPhone-in tuaj të vjetër të duket si iPhone 11 Pro me këtë sticker të ri

Dëshmitarët thonë se çështja u diskutua në një takim sekret muajin e kaluar në selinë e Apple në Cupertino, sipas The Information.

Në këtë takim u diskutua për dy pajisje të reja:

  • Pajisja e parë, e planifikuar për vitin 2022, është e ngjashme me syzet e realitetit virtual Oculus Quest. Është e pajisur me një ekran me rezolucion të lartë, kamerë të jashtme dhe ka aftësinë për të hartuar mjedisin.
  • Pajisja e dytë, që pritet të lançohet në vitin 2023, duket më shumë si syze dielli, por ka një kornizë të trashë që mban baterinë dhe një procesor. Këto syze janë të dizenjuara për përdorim gjatë gjithë ditës dhe pritet që të zëvendësojnë plotësisht iPhone-in.

Pajisjet e reja do të dizenjoheshin me një ide të thjeshtë: në vend që të shikonit telefonin tuaj, informacioni do t’ju shfaqej brenda fushës së shikimit. Kështu, për shembull, aplikacioni Apple Maps, i shikuar përmes Realitetit të Shtuar, do të mbulonte imazhin që përdoruesi po shikonte përpara tij.

Drejtori Ekzekutiv i Apple, Tim Cook, vazhdimisht ka folur në lidhje me Realitetin e Shtuar (AR), duke thënë se mund të ndryshojë përgjithmonë mënyrën se si e përdorim teknologjinë.

BusinessInsider

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale