Apple mbledh ekipin sekret me qindra punonjës për të sjellë setin e syzeve dhe kufjeve VR - Business Magazine Albania

Apple mbledh ekipin sekret me qindra punonjës për të sjellë setin e syzeve dhe kufjeve VR

syzeve dhe kufjeve VR

Prej një dekade tashmë, Apple ka eksploruar teknologjinë e realitetit virtual dhe realitetit të shtuar, por me shpërthimin në popullaritet të realitetit virtual me lançimin e ARKit, duket se objektivi i Apple po bëhet më serioz dhe në 2022-shin pritet që kompania të lançojë produktin e saj AR/ VR.

Apple thuhet se ka ngritur një ekip kërkimor sekret me qindra punonjës që punojnë në AR dhe VR dhe është duke eksploruar mënyrat se si teknologjitë në zhvillim mund të përdoren në produktet e ardhshme të Apple. Punësimi në fushën e VR/AR është rritur gjatë viteve të fundit dhe Apple ka blerë kompani të shumta AR/VR ndërsa vazhdon punën e saj në këtë fushë. 

Apple thuhet se është duke punuar në të paktën dy projekte të realitetit të shtuar dhe atij virtual që përfshijnë sjelljen në treg të një palë kufjeve të realitetit të shtuar që do të dalin në treg rreth vitit 2022, produkt ky që do të pasohet nga një palë syze të realitetit të shtuar që do të vijnë në një datë të mëvonshme. 

Lexoni: Aksionet e Tesla, Apple dhe Amazon në dorën tuaj. BKT sjell platformën ku mund të investoni në bursat botërore me një klik

Analisti i Apple, Ming-Chi Kuo beson se kufjet e “realitetit të përzierë” të Apple do të dalin në fund të vitit 2022 ose në fillim të 2023, me Apple Glasses që do të pasohen në 2025, megjithëse burime të tjera kanë thënë se syzet do të vijnë në vitin 2023. 

Kufjet flitet se do të jenë të ngjashme me kufjet e realitetit virtual të Oculus Quest të Facebook, por me një dizajn më elegant që përdor pëlhura dhe materiale të lehta për të siguruar që kufjet të jenë sa më të rehatshme. 

Thuhet se seti i kufjeve dhe syzeve do të përmbajë dy ekrane me rezolucion të lartë dhe kamera që do t’i lejojnë përdoruesit të shohin njerëz të tjerë që qëndrojnë përpara dhe pas objekteve virtuale. Seti do të jetë në gjendje të detektojë sipërfaqet, këndet dhe dimensionet e dhomave me “saktësi më të madhe se pajisjet ekzistuese në treg”. Do të ketë një ekran më të avancuar dhe një çip që është edhe më i shpejtë se procesori M1 në Mac 2020.

/macrumors

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0