Në kohë distancimi shoqëror, Apple ka marrë patentën për një softuer që lejon bërjen e fotove selfie në grup. Pra, njerëzit marrin një foto veç e veç dhe imazhet mblidhen automatikisht si kolazh, në mënyrë që të krijojnë një foto grupi artificiale.
Sipas përshkrimit të përfshirë në patentë, përdoruesi i iPhone fton miqtë që të marrin pjesë në selfie në grup. Selfie mund të krijohet si nga fotot normale, ashtu edhe nga videot e regjistruara në vend ose tashmë të ruajtura në telefon. Secili pjesëmarrës mund të modifikojë punën e softuerit, për shembull duke vendosur të zhvendosë foton e tij brenda figurës.
Patenta u dha gjatë këtyre ditëve, por Apple kishte aplikuar që në vitin 2018, pra shumë përpara pandemisë. Për momentin nuk dihet nëse dhe kur teknologjia do të jetë në dispozicion të përdoruesve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
