Apple i është përgjigjur pretendimeve të krijuesit të lojës Fortnite, i cili e akuzon për monopol.
Në përgjigje të një padie dërguar nga Epic Games në gusht, Apple i quajti argumentet si interes i pastër nga Epic.
Kompania refuzoi idenë se komisionin 30% që merr për blerjet dixhitale brenda aplikacioneve është anti-konkurrues dhe se përplasja mes dy kompanive është thjesht mosmarrëveshje parash.
Lexoni: Epic Games i kërkon gjykatës të ndalojë “hakmarrjen” e Apple
Apple tha se Epic ka shkelur kontratën dhe kërkoi dëmshpërblim. Beteja ligjore mes dy kompanive erdhi pasi Fortnite ofroi zbritje për monedhën e saj virtuale për blerjet e bëra jashtë App Store duke anashkaluar komisionin 30% të Apple.
Në përgjigje Apple bllokoi aplikacionin Fortnite dhe përditësimet e tij në App Store. Kompania tha se do të lejonte Fortnite të riktheheht nëse opsioni i pagesave direkte jashtë aplikacionit hiqej.
Por Epic ka refuzuar duke përsëritur se Apple është monopol. Në padinë e saj, Apple tha se Epic ka përfituar nga promovimi i Apple duke fituar 600 milionë dollarë përmes App Store.
Apple akuzoi firmën, për të cilën theksoi se mbështetet nga gjigandi kinez Tencent, se kishte kërkuar një marrëveshje të veçantë përpara se të shkelte kontratën. Megjithatë në një dëgjesë përballë Kongresit Amerikan, Apple u akuzua për kontroll të egër ndaj App Store.
Bashkimi Evropian gjithashtu po heton nëse praktikat e Apple shkelin rregullat e konkurrencës ndërsa kompania i ka mohuar ato pretendime.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
