Është anuluar për herë të dytë nisja e raketës Artemis I drejt Hënës. Kësaj radhe shkak për anullimin u bë një rrjedhje në rezervuarin e hidrogjenit që fuqizon motorin e raketës.
Raketa, 100 metra e lartë, që synon të dërgojë njerëzit në Hënë për herë të parë pas misionit Apollo në vitin 1972 përbëhet nga katër motorë të fuqishëm, që janë projektuar të djegin 3 milion litra hidrogjen dhe oksigjen të lëngshëm për ta përdorur si fuqi. Inxhinierët thanë se gjatë fazës së mbushjes së karburantit, sistemi i alarmit u ndez, për shkak të një rrjedhjeje hidrogjen. Edhe pse u bënë disa përpjekje, defekti ishte i pamundur të rregullohej në kohë.
Agjencia Amerikane Hapësinore, NASA nuk ka dhënë një datë të re për nisjen e raketës, e cila do të duhet të kthehet në ndërtesën e saj të montimit për inspektim dhe mirëmbajtje. Dështimi i parë për nisjen e saj ishte të hënën, pasi kontrollorët thanë se motorët nuk ishin në kushtet e duhura teknike për të bërë lëshimin. / BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
