Në ketë kuadër Mjalti Morava së bashku me një grup kompanish shqiptare të sektorit ushqimor ka përfituar nga fondet e AIDA-s për të prezantuar sukseshëm produktet e veta në tregun kinez për 2 vite rradhazi ( viti 2015 dhe 2016) në Ningbo Fair Summer që zhvillohet në çdo fillim qershori në Ningbo në Kinë, si dhe ne tregun japonez nëpërmjet panairit të FOODEX –Japoni.
AIDA dhe Morava ka një histori të frytshme bashkëpunimi. Në vitin 2012 me mbështetjen e AIDA-s nëpërmjet fondit të konkurueshmërisë u çertifikuan me Standardin e Cilësisë Ushqimore ISO – 22000 dhe HACCP. Kështu mund të themi se Morava është një histori suksesi i biznesit shqiptar por edhe i bashkëpunimit dhe efektivitetit të fondeve grant të AIDA-s në ndihmë të forcimit dhe zhvillimit të qendrueshëm të SME – ve Shqiptare.
Ambasadorja e Republikës Popullore të Kinës, Znj. Jiang Yu bëri një vizitë surprizë në Fermën Morava në qytetin e Korçës dhe u njoh me punën dhe teknologjinë që përdoret në këtë fermë. Ambasadorja Jung Ju shprehu mbështetjen e saj që mjalti Morava të gjejë vend edhe në tregun kinez dhe i mirëpritur është çdo biznes që garanton cilësi dhe standarte në produktet që ofron. Kina renditet e treta ndër vendet, me të cilat Shqipëria kryen më shumë shkëmbimet tregtare. Eksportet drejt Kinës zënë gati 3% të totalit të mallrave të eksportuara , ndërsa 8% e importeve i sigurojmë nga tregu Kinez.
Pjesëmarrja e bizneseve Shqiptare në panaire jashtë vendit është një mbështetje e vecantë në përpjekjet e Qeverisë Shqiptare, nëpërmjet AIDA-s për të nxitur biznesin vendas dhe veçanërisht atë eksportues.
Burimi: aida.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
