Në një epokë dixhitale ku e gjithë bota po shpërngulet ‘online’, gjigandi Amazon pritet të hapë në ShBA rreth 300-400 librari.
Ishin pikërisht kompani si Amazon, me produkte që mund t’i blije nga krevati me një klikim të butonit, që revolucionizoi mënyrën se si ne shkojmë në dyqan. Ishte pikërisht Amazon që ‘mbylli’ shumë librari fizike si Barnes & Nobles dhe Borders, duke lejuar njerëzit të blinin librat e tyre të preferuar online. Dhe është pikërisht Amazon ajo që po shkon në drejtim të kundërt të rrymës.
Sipas TechSot.Al, nuk dihet akoma data e saktë e fillimit të ndërtimeve të këtyre librarive, por pritet që të ndodhi në muajt e ardhshëm.
Ajo që është akoma më interesante është fakti se çmimet e librave do të jenë të njëjtë me çmimet online, kur përfitues do të jetë klienti, i cili do të eliminojë pagesën e dërgimit.
Amazon hapi në Seattle, Washington, librarinë e parë fizike në Nëntor të vitit të kaluar, por shumë persona ishin skeptikë. Si duket modeli i ri i biznesit të Amazon po sjell fryte.
Nuk dihet akoma nëse në këto librari do të ketë vetëm libra, apo dhe produkte të tjera nga Amazon.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve./
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
