Amazon ndërpreu përkohësisht dërgesat me dron në zonën West Valley të Phoenix, pasi dy mjete ajrore të modelit MK30 u përplasën me një vinç në Tolleson, Arizona. Sipas raportimit të ABC15 Arizona, nuk pati dëmtime serioze, por një person u trajtua klinikisht pas thithjes së tymit që doli nga mbetjet e përplasjes. Bazuar në hetimet paraprake, dy dronët e Amazon po fluturonin njëri pas tjetrit kur goditën vinçin dhe ranë në dy parkingje të ndryshme, rreth 30 deri në 60 metra larg njëri-tjetrit.
Administrata Federale e Aviacionit (FAA) ka hapur një hetim në bashkëpunim me Amazon. “Jemi në dijeni të incidentit me dy dronët Prime Air në Tolleson dhe po punojmë ngushtë me autoritetet përkatëse për të sqaruar rrethanat,” deklaroi zëdhënësi i kompanisë, Terrence Clark, për The Verge.
Lexo edhe: Fund tarifave të larta, prej sot Shqipëria nis zyrtarisht transfertat në SEPA
“Siguria është gjithmonë prioriteti ynë kryesor,” theksoi Clark. “Pas rishikimit të hollësishëm, u konstatua se nuk kishte probleme teknike me dronët apo sistemet mbështetëse. Megjithatë, kemi shtuar masa të reja sigurie, për të përmirësuar zbulimin dhe shmangien e pengesave në lëvizje, siç janë vinçat.” -shtoi më tej ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
