Barra fiskale për individët në 2021. Taksat vendore dhe shpërndarja e barrës tek individët dhe familjet shqiptare
Nje analize e kryer nga ALTAX tregon se barra fiskale e taksave vendore është e njëjtë për qytetarët, pavarësisht nivelit të të ardhurave të tyre. Sipas ekspertëve të Altax, “ka ardhur momenti për një progresivitet në barrën fiskale të taksave dhe tarifave vendore”.
Më poshtë raporti i studimit
Barra fiskale e individit, i cili është në marëdhënie punësimi përfshin (a) tatimin mbi të ardhurat nga paga, (b) kontributet e sigurimeve shoqërore dhe shëndetësore, si dhe (c) taksat dhe tarifat vendore.
Nisur nga një nivel më i lartë taksash vendore midis Tiranës dh
e bashkive të tjera të vendit, shikohet dukshëm se banori i Tiranës ka një barrë fiskale më të lartë duke filluar nga 14.5% për pagat e ulëta deri në 0.6% për pagat e larta. Ndërkohë pagat e mesme në Tiranë kanë një barrë fiskale prej 2% më të lartë se qytetarët në bashkitë e tjera të vendit.
Kështu, barra fiskale e një qytetari në bashkitë e vendit është si më poshtë:
Për pagën 26 mijë lekë në muaj barra fiskale është 15.8% e të ardhurës vjetore, ku taksat dhe tarifat vendore kanë një ndikim prej 1%;
Për pagën 100 mijë lekë në muaj barra fiskale është 25.7% e të ardhurës vjetore, ku taksat dhe tarifat vendore kanë një ndikim prej 0.3%;
Për për pagën 250 mijë lekë në muaj barra fiskale është 28.5% e të ardhurës vjetore, ku taksat dhe tarifat vendore kanë një ndikim prej 0.1%;
Për pagën 500 mijë lekë në muaj barra fiskale është 30.6% e të ardhurës vjetore, ku taksat dhe tarifat vendore kanë një ndikim prej 0.06%.
Ndërsa, barra fiskale e një qytetari në Tiranë është si më poshtë:
Për pagën 26 mijë lekë në muaj barra fiskale është 18.1% e të ardhurës vjetore, ku taksat dhe tarifat vendore kanë një ndikim prej 2.9%;
Për pagën 100 mijë lekë në muaj barra fiskale është 26.4% e të ardhurës vjetore, ku taksat dhe tarifat vendore kanë një ndikim prej 0.9%;
Për pagën 250 mijë lekë në muaj barra fiskale është 28.8% e të ardhurës vjetore, ku taksat dhe tarifat vendore kanë një ndikim prej 0.4%;
Për pagën 500 mijë lekë në muaj barra fiskale është 30.8% e të ardhurës vjetore, ku taksat dhe tarifat vendore kanë një ndikim prej 0.1%.
Pra sa më e lartë e ardhura nga paga, aq më pak ka ndikim taksa vendore tek ajo.
Lexo: ALTAX: Ja cila është dita e lirisë fiskale në Shqipëri, Kosovë dhe Ballkanin Perëndimor
Nisur nga kjo logjikë dhe duke marrë për arsyetim se tatimet dhe taksat duhet të jenë sipas parimit kush fiton më shumë duhet të paguajë më shumë nevojitet një dialog i ri përsa liodhet me progresivitetin që duhet të kenë taksat dhe tarifat vendore. Individi me pagë të lartë nuk mund të paguajë të njëjtin nivel me individin që ka të ardhura më të ulta.
Po kështu, kjo logjikë taksimi duhet të aplikohet sipas standartit të të ardhurave të familjeve. Familjet me të ardhura të larta duhet të paguajnë më shumë taksa dhe tarifa vendore se ato me të ardhura të ulta, për të arritur në një shpërndarje të drejtë të barrës fiskale në raport me të ardhurat e përfituara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
