Alpiniste dhe oratore frymëzuese, CATHY O‘DOWN është folësja e re e 'Leap Summit 2017' - Business Magazine Albania

Alpiniste dhe oratore frymëzuese, CATHY O‘DOWN është folësja e re e ‘Leap Summit 2017’


Ekipi organizues i Samitit ‘LEAP 2017’, një nga konferencat rinore më të mëdha në Europë, e cila do të mbahet në datat 11-13 Maj, në Zagreb, Kroaci ka shpallur folësin e ri të ‘Leap Summit 2017’ – Cathy O’Dowd, alpiniste, autore dhe oratore frymëzuese – gruaja e parë në botë që ka ngjitur malin e Everestit nga të dyja anët.

Ngjitja në malin e Everestit, mali më i lartë në botë është një nga sfidat më të vështira për t’u arritur. Tashmë është koha për eksploruesit e vërtetë të dalin në ‘skenë’ dhe të hidhen drejt të panjohurës.

Kurrizi Mazeno i Nanga Parbat është një nga sfidat e fundit dhe më të mëdha të Himalajave. Ekipe ngjitje ndërkombëtare kanë provuar 10 herë në më shumë se tre dekada – dhe të gjithë kanë dështuar. Përse ka qenë ky ekip ndryshe? Dhe si mundën ata të përshtaten kur plani i tyre doli kundër realitetit të papritur dhe të komplikuar?

Cathy O’Dowd e ka kthyer këtë përvojë të jashtëzakonshme në një rast studimor të sfidave të ndërmarra në përpjekje të të bërit të asaj që nuk është bërë më parë. Ajo shqyrton kurthet e veprimit në kushte të paparashikueshme, mjedise me rrezik të lartë dhe identifikon problemet kyçe në zbatimin e planeve ambicioze në mjedise të pasigurta. Analiza dhe zgjidhjet e saj do të ndihmojnë çdo planifikues strategjik në zbatimin e objektivave të reja në mënyrë më efektive. Ndiqni dhe zbuloni një botë të pasigurtë duke mësuar të mendoni si një eksplorues.

Organizatorët e Samitit LEAP 2017 do të prezantojnë më shumë folës në javët në vazhdim.

Biletat e Samitit LEAP 2017 i gjeni në faqen zyrtare të konferencës, në http://www.leapsummit.com. Çmimi i plotë i biletës është 200€. Por, të gjithë palët e interesuara mund të përfitojnë nga ulja e çmimit të biletës dhe mund ta përfitojnë atë për 40€ në rastin e studentëve dhe 80€ për sipërmarrësit e rinj.

Biletat e konferencës së Samitit LEAP përfshijnë: akses të plotë për 3 ditët e konferencës, akses në të 5 fazat, fjalime fantastike nga folës të njohur botërisht, akses në workshop-e, akses i plotë në të gjitha eventet Networking – ku do të njihni njerëz nga e gjithë bota, seanca me Mikrofon të hapur + Takime të shpejta dhe mundësi bisedimi me kompani dhe folës, materiale dhe pije freskuese, çertifikatë pjesëmarrjeje, akses në sallën e ekspozitave, akses në sallën e pritjes, program i pasur jo-formal, akses në takimin hapës “LEAP Attendees”, akses në eventet para dhe pas konferencës.

“LEAP Summit 2017” është një konferencë ndërkombëtare që mbledh më shumë se 1000 studentë ndërkombëtar, profesionistë të rinj dhe sipërmarrës të rinj që janë krijues të trendeve dhe drejtues të shquar në komunitetet e tyre. Ky është një event 3 ditor, i dizenjuar për individë të cilët duan të ndryshojnë botën dhe të krjojnë të ardhmen. Samiti LEAP 2017 do të zhvillohet gjatë periudhës 11 dhe 13 Maj 2017 në ambjentin e “Student Center” në Zagreb. Konferenca është organizuar çdo vit që nga viti 2016 nga HUKI. HUKI është një organizatë ndërkombëtare që i dedikohet promovimit të kulturës së sipërmarrjes dhe edukimit rreth qasjeve kreative dhe inovative për zgjidhjen e sfidave të botës reale në komunitetet lokale.

Për më shumë informacion klikoni në faqen zyrtare të Samitit LEAP: http://www.leapsummit.com/, faqen e Facebook: https://www.facebook.com/LeapSummitZagreb dhe Twitter: https://twitter.com/LeapSummitZg.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0