AlbaniaTech është platforma e parë në Shqipëri, e cila synon të bëjë bashkë të gjithë aktorët e ekosistemit të sipërmarrjes dhe inovacionit në një platformë të vetme. Startup-et, kompanitë, lista e sipërmarrësve aktivë, ecuria e bizneseve, programet, të cilat mbështesin sipërmarrjen, programe mentorimi / trajnimi / akselerimi / inkubimi, të cilat operojnë në nivel rajonal dhe ndërkombëtar, të gjitha në një faqe të aksesueshme nga çdo aparat inteligjent.
Tre muaj më parë AlbaniaTech pati lançimin e parë në ekosistem, duke prezantuar vizionin për të ecur të gjithë drejt një qëllimi të përbashkët, për bashkuar pjesëmarrësit e ekosistemit dhe për të qenë nxitja e duhur për inovacionin si dhe platform, e cila do të prezantojë startup-et shqiptare ndërkombëtarisht. Ky është fillimi i një rrugëtimi për çdo aktor të komunitetit të inovatorëve. Në tre muaj, AlbaniaTech ka krijuar lidhje me pjesën më të madhe të ekosistemit dhe ka ndërmarrë shumë nisma të reja, të cilat i shërbejnë ekosistemit.
Pjesëmarrja në Samitin e investimeve INNVEST Summit në Tetor ishte një ndër hapat e AlbaniaTech. INNVEST Summit bëri bashkë investitorë, engjëj biznesi, mentorë, startup-e etj. duke u bërë një urë lidhëse me komunitetin kombëtar dhe global të inovacionit dhe digjitalizimit. AlbaniaTech prezantoi ekosistemin shqiptar përpara të ftuarve dhe vizionin e saj, duke arritur një mbështetje dhe më të gjerë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
