Për shumicën prej nesh, akulli është një rrezik. Ai e bën rrugën të rrëshqitshme dhe trotuaret të pasigurta. Por, kërkime të reja sugjerojnë se ky “armiqësor” i dimrit mund të shndërrohet në një burim të pazakontë energjie të qëndrueshme.
Një ekip shkencëtarësh të udhëhequr nga Xin Wen në Universitetin Xi’an Jiatong të Kinës zbuloi se akulli është fleksotronik – pra mund të prodhojë elektricitet kur përkulet. Fenomeni ishte vërejtur më parë në akullnajat që përplaseshin apo në shtresat e akullit nën stres, por asnjëherë nuk ishte arritur një efekt aq i fortë për përdorim praktik.Sekreti qëndron tek akulli me kripë. Në eksperimente, studiuesit ngrinë ujë të përzier me sasi të ndryshme kripe të zakonshme (NaCl) dhe krijuan mostra në forma të ndryshme: kon, trarë dhe pllaka.
Lexo edhe: Diella në vëmendjen botërore, chatbot-i që ‘trondit’ BE-në dhe demokracinë
Si funksionon “akulli i kripur”
Për të testuar prodhimin e energjisë, ekipi përdori një test përkuljeje me tre pika: mostra e akullit vendosej mbi dy mbështetëse dhe shtypej nga lart. Kur akulli përkulet, krijon elektricitet. Rezultatet ishin befasuese: akulli i kripur gjeneroi deri në 1,000 herë më shumë ngarkesë elektrike se akulli i pastër. Analizat me mikroskopi dhe spektroskopi Raman treguan arsyen. Kripa pengon ngrirjen e plotë të ujit, duke lënë kanale mikroskopike me ujë të kripur brenda akullit. Kur ai përkulet, ky lëng lëviz nëpër kanale dhe, meqë uji i lëvizshëm mbart ngarkesë elektrike, krijohet ajo që quhet rrymë rrjedhëse. Duke qenë se akulli mbulon rreth 10% të sipërfaqes së Tokës, mundësia për ta shfrytëzuar është e konsiderueshme. Studiuesit theksojnë se kjo zbulim mund të ketë ndikim jo vetëm për gjenerimin e energjisë në rajone të ftohta, por edhe për të kuptuar aktivitetin elektrik në botë të tjera të mbuluara nga akulli, si Europa apo Enceladusi.
Megjithatë, sfidat mbeten të mëdha. Pas shumë cikleve përkuljeje, kapaciteti i akullit të kripur për të gjeneruar energji bie deri në 80%. Për më tepër, efikasiteti është ende më i ulët se ai i pajisjeve tregtare piezoelektrike, pasi një pjesë e madhe e energjisë humbet si nxehtësi. Pavarësisht këtyre kufizimeve, ideja e prodhimit të elektricitetit nga akulli është intriguese. Në të ardhmen, akulli mund të mos shihet më vetëm si një rrezik dimëror, por edhe si një partner i papritur në tranzicionin drejt energjisë së pastër.
Ky studim u publikua në revistën Nature Materials.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
