Akademia "Aftësi për Punë" hap dyert nga data 9-11 shtator

Akademia “Aftësi për Punë” organizon Shkollën Verore 2019


Në datat 9-11 shtator 2019, projekti Aftësi për Punë S4J organizon Shkollën Verore 2019 me temë: “Zhvillimi i Kapitalit Njerëzor në Shqipëri – Roli i Arsimit dhe Formimit Profesional”. Aktiviteti zhvillohet në Hotel Premium, Golem.
“Zhvillimi i Kapitalit Njerëzor në Shqipëri” është tematika kryesore e Shkollës Verore 2019. Ajo do të ndërthurë leksione, seanca plenare, forume diskutimi, seminare pune, prezantime të rasteve studimore dhe të eksperiencave të mira.
Në mënyrë që Shqipëria të zhvillojë më tej kapitalin e saj njerëzor, ajo duhet të investojë në përmirësimin e cilësisë dhe relevancës së ofertës së sistemit arsimor. Përmes sesioneve të ndryshme do të bëhet e mundur që pjesëmarrësit të reflektojnë dhe të identifikojnë zgjidhje e nisma konkrete për ta bërë ofertën në sistemin e AFP- së më të lidhur me tregun e punës.

Lexo: Profesorët motivues

Aktiviteti do të mbledhë së bashku të gjithë aktorët e rëndësishëm të sferës së Arsimit dhe Formimit Profesional (AFP) në Shqipëri: politikëbërës, akademikë, drejtues, mësimdhënës dhe instruktorë të institucioneve ofruese të AFP-së në të gjitha nivelet (publike dhe jo-publike), punëdhënës, nxënës e prindër.

Rreth këtyre sfidave, pritet të flasin në sesionin plenar të hapjes: .

  • Znj. Anila Denaj – Ministre e Financave dhe Ekonomisë
  • Z. Brian J. Williams – Koordinator i Përhershëm i OKB në Shqipëri
  • Znj. Linda Rama – Eksperte e çështjeve të zhvillimit njerëzor
  • Z. Patrik Meier – Zv. Shef i Misionit, Ambasada e Zvicrës në Shqipëri si dhe përgjegjës për fushën e zhvillimit ekonomik.
  • Z. Vasil Naçi, Drejtor Ekzekutiv i AGNA Group
  • Z. Fation Dragoshi, Menaxher Projekti, “Aftësi për Punë”, S4J, Swisscontact Shqipëri

Ftohen mediat të ndjekin dhe të pasqyrojnë aktivitetet e Akademisë “Aftësi për Punë”, Shkolla Verore 2019, duke dhënë kështu një kontribut për zhvillimet në arsimin dhe formimin profesional dhe lidhjen e tij me tregun e punës.
Vizitoni Faqen e Dedikuar Shkollës Verore dhe do të mund të gjeni të gjithë materialet informative në dispozicion për t’u përdorur në publikimet tuaja.

MBI PROJEKTIN “AFTËSI PËR PUNË”
Aftësi për Punë S4J është një projekt i Agjencisë Zvicerane për Zhvillim dhe Bashkëpunim (SDC), i cili zbatohet në Shqipëri nga organizata zvicerane Swisscontact. Projekti është pjesë e Sferës së Zhvillimit Ekonomik të Strategjisë së Bashkëpunimit Zviceran për Shqipërinë (2018-2021), me fokus të veçantë tek promovimi i mundësive për punësim dhe zhvillimin e aftësive.

Aftësi për Punë’ (S4J) u projektua për të adresuar sfidat kryesore në sistemin e AFP-së në Shqipëri, si: cilësia dhe statusi i ulët, menaxhimi i dobët i institucioneve, mungesa e orientimit drejt tregut të punës dhe angazhimi i ulët i sektorit privat. Projekti i adreson këto sfida duke investuar për sigurimin e ndryshimeve sistematike, zhvillimin e kompetencave dhe fuqizimin e aktorëve kyçë.

Lexo: Shkolla Digjitale, startup-i kosovar që ka marrë përmasa ndërkombëtare

Bazuar mbi këtë qasje, ‘Aftësi për Punë’ mbështet ofruesit partnerë të AFP-së në Shqipëri në drejtim të:

  • Krijimit të lidhjeve të ngushta me kompanitë e sektorit privat dhe partnerë të tjerë,
  • Diversifikimit dhe përmirësimit të ofertës mësimore,
  • Aplikimit të metodave novatore të mësimdhënies dhe standardeve të cilësisë,
  • Realizimit të praktikave mësimore në mjediset e biznesit,
  • Zhvillimit dhe fuqizimit të institucionit, përmes ndërtimit të mekanizmave për menaxhimin efikas.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0