Kompania fluturimeve “Air Albania” do të përbëhet në masën 51% nga aksionerë shqiptarë (publikë dhe privatë).
Vendimi i publikuar tashmë në fletoren zyrtare flet për tre aksionerë.
Sipas këtij vendimi, kompania shtetërore “Albcontrol sh.a.” do të autorizohet të përfaqësojë pronarin shtet për negocimin dhe nënshkrimin e marrëveshjes me ortakët e tjerë për krijimin e shoqërisë së përbashkët dhe përcaktimin e kuotave të ortakëve në këtë shoqëri, brenda 10 ditësh nga hyrja në fuqi e vendimit.
Aksionerët e tjerë janë “MDN Investment shpk” dhe “Turkish Airlines.”
Ju mund të lexoni: Air Albania. Kryeministri Rama lançon nisjen dhe rekrutimin e stafit
Sipas ligjit, pronari shtet, përfaqësuar nga “Albcontrol sh.a.” së bashku me ortakun tjetër shqiptar “MDN Investiment” sh.p.k., duhet të zotërojnë jo më pak se 51% të kuotave të shoqërisë së përbashkët “AIR Albania”.
“Albcontrol” sh.a. autorizohet të përfaqësojë pronarin shtet në procedurat ligjore të krijimit dhe regjistrimit si subjekt tregtar të “AIR Albania”, në formën e një shoqërie me përgjegjësi të kufizuar.
Emri shqiptar në fluturime rikthehet pas pesë vitesh. Belle Air, ndërpreiu fluturimet në fund të vitit 2013 dhe, vetëm së fundi, ka arritur të përmbyllë procesin e falimentimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
