Kur nuk është bërë as një muaj nga ulja e pragut të TVSH-së, që preku gati 10 mijë biznese, Ministri i Financave dhe Ekonomisë Arben Ahmetaj ka paralajmëruar lehtësi fiskale për biznesin e vogël. Lehtësitë pritet të bëhen të ditura javët e ardhshme. Ahmetaj tha se, “Politikat nxitëse dhe lehtësuese në iniciativë të kryeministrit do të vazhdojnë dhe në muajt që vijnë do të ftoheni t’i dëgjoni”.
Ministri i Financave hodhi poshtë zërat për dhënien me koncension të mbledhjes së TVSH-së. “Nuk ka pasur, nuk ka dhe nuk do të ketë koncesion për TVSH. Përkundrazi procedura që po bëjmë me biznesin e vogël është në favor të formalizimit dhe në favor të biznesit të vogël”, tha ai. Duke iu referuar raportit të Bankës Botërore dhe progres-Raportit të Komisionit Evropian për Shqipërinë, Ahemtaj tha se, dy dokumentet konfirmojnë ecurinë pozitive të ekonomisë. Sipas tij, është vlerësuar me ecuri pozitive sistemi bankar në vendin tonë, ndërsa sistemi fiskal, po redukton pabarazinë dhe taksa progresive është në favor të shtresave më të varfra.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
