Në Tiranë nisi punimet takimi i tretë i Konsorciumit të Institucioneve për Zhvillim të Europës Juglindore, i cili u krijua me qëllim bashkëpunimin ndërmjet 7 vendeve të rajonit për identifikim të problemeve reale si dhe përmirësimin e ekonomive lokale.
Pjesëmarrësit e këtij konsorciumi janë përfaqësues të Agjencive për Zhvillim nga Maqedonia, Mal i Zi, Kroaci, Sllovenia, Serbia, Bosnje – Hercegovina dhe Agjencia Shqiptare e Zhvillimit të Investimeve (AIDA) nga Shqipëria.
Drejtori i Agjencisë Shqiptare të Zhvillimit të Investimeve (AIDA), Genti Beqiri, u shpreh gjatë takimit se harmonizimi i politikave dhe projekteve të përbashkëta do ta bëjë më konkurues rajonin tonë, duke e kthyer atë në një treg më të madh dhe në një mundësi më të madhe për tërheqjen e më shumë investitorëve potencial.
Në këtë takim, përveç partnerëve të konsorciumit ishte gjithashtu prezent anëtari i parlamentit europian, Franc Bogovič, i cili në prezantimin e tij u ndal në politikat rajonale europiane për periudhën 2014-2020.
Shtatë përfaqësues të institucioneve për zhvillimin të Europës Juglindore nënshkruan në 12 Mars 2016 një marrëveshje partneriteti midis tyre. Takimi i radhës u mbajt në datat 12-13 Shtator 2016 në Kroaci, ku dhe u vendos që takimi i tretë të mbahej në Shqipëri. Takimi do të zhvillojë punimet për dy ditë me radhë.
Burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
