Aeroportin e Kukësit ka tashmë një kontratë koncensionare të miratuar nga Qeveria Shqiptare. Koncesioni 35 vjeçar parashikon ndërtimet shtesë, mirëmbajtjen dhe shfrytëzimin e aeroportit.
Ministrja për Infrastrukturën dhe Energjinë, Belinda Balluku tha gjatë një konference për shtyp se zbatimi i këtij projekti do të ndikojë edhe në punësim në zonën e Kukësit.
Ministrja tha se, “Në mbledhjen e qeverisë, Këshilli i Ministrave ka miratuar nënshkrimin e kontratës së koncesionit për rehabilitimin, operimin dhe transferimin e Aeroportit të Kukësit. Proçedura e ndjekur për realizmin e kësaj kontrate mbështetet në ligjin 125 për Partneritetet Publike Private. Proçedura e tenderimit u krye në dhjetor të vitit 2018 dhe fitues doli bashkimi i përkohshëm i kompanive Global Technical Mechanics sh.p.k. dhe Bami sh.p.k.”.
Sipas ministres, kontrata është negociuar dhe konsultuar me institucione të tjera para se të miratohej.
Lexo: Në disa aeroporte, robotët do të parkojnë mjetet për llogarinë tuaj
Miratimi i hap rrugë ndërtimit të aeroportit të Kukësit. Sipas Ballukut, ka interes për shfryëzimin e aeroportit nga të paktën pesë linja low cost dhe synohet që të kthehet në pikë referimi rajonale për lëvizjet veçanërisht për Kosovën, Malin e Zi dhe Maqedoninë.
Disa të dhëna nga kontrata
Aeroporti pritet të vihet në punë brenda dy vitesh.
Vlera e e rehabilitimit është rreth 8 milionë euro.
Punësim fillestar për 220 persona.
Aeroporti në vëmendje të Wizz Air, Easy Jet, Rayan Air, Vueling, Pergasus.
300 mijë pasagjerë lëvizje në vit. |
Objektiv: të kthehet në pikë referimi për lëvizjet nacionale
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English