Administrimi Financiar dhe Kontabël i Kompanisë

Dhoma e Tregtisë dhe Industrisë Tiranë organizon trajnimin “Administrimi Financiar dhe Kontabël i Kompanisë” në datat: 7-8-9 Tetor 2015, ora: 16:30 – 19:30

Administrimi efektiv financiar dhe kontabël i kompanisë është në thelbin e një sipërmarrje, institucioni apo organizate moderne dhe efikase si një element dominues në suksesin e një biznesi. Me ndërmarrjet që ballafaqohen në mënyrë të vazhdueshme me një ambient të ndryshueshëm afarist, është e një rëndësie të veçantë të sigurohet që nga ana e vendim-marrësve te zbatohet një administrim efektiv që ndihmon sipërmarrjen, institucionin apo organizatën që t’i përshtatet lehtësisht ndryshimeve në treg.

Globalizimi dhe teknologjia e informacionit kanë vënë biznesin përballë sfidave të shumta të mbijetesës e të konkurueshmërisë, ku kërkohet një qasje ndryshe e sipërmarrjes dhe administrimit financiar dhe kontabël. Ky trajnim i vjen në ndihmë bizneseve dhe organizatave duke trajtuar politikat fiskale të BE-së gjatë krizës globale, rolin e kontabilitetit dhe sistemeve të informacionit kontabël në menaxhimin e suksesshëm të njësive ekonomike, Unionin bankar – impaktet pozitive etj.

Administrimi financiar dhe kontabël është një mënyrë me anë të së cilës njerëzit në një kompani mendojnë, vlerësojnë dhe krijojnë të ardhmen e saj. Të mendosh në mënyrë kritike nënkupton shumë më tepër se t’i përgjigjesh problemeve dhe mundësive afatgjata apo afatshkurtra; ajo ka të bëjë me krijimin e së ardhmes së kompanisë sipas standardeve evropiane, duke qënë proaktiv dhe duke shtuar vlerën për sipërmarrjen nëpërmjet realizimit të të ardhurave të larta.

Ju lutem gjeni bashkëlidhur:
1. Formular Aplikimi -Administrimi Financiar dhe Kontabël i Kompanisë
2. Programi – Administrimi Financiar dhe Kontabël i Shoqërisë

Lektor për këtë Trajnim do të jetë Prof. Asoc. Dr. Arben Malaj dhe Prof. Asoc. Dr. Mirela Ujkani