Kur e nxisnin vajzën të mësojë e të ketë rezultate të shkëqyera në mësime, prindërit e Rinës nuk do të kenë pasur për qëllim shfaqjen e saj në Times Square, si një model suksesi. Fundja shumë prindër të tjerë këmbëngulin në rezultate të mira në mësime.
Por, suksesi tek Rina Binxhiu lidhet me kombinin e një vajze me pasion për progres dhe prindërve që mes sakrificash nuk hoqën dorë në rrugëtimin e gjatë të mbështetjes në arsim.
Në një intervistë për BusinessMag Rina thotë se, “Edhe pse u rrita në kohë të vështirë për Kosovën, prioriteti i tyre ishte një e ardhme e mirë për mua dhe motrat, ku dhe pas orëve të gjata të punës, babai punonte me ne matematikë e fizikë. Amerika më është premtuar nga prindërit me kusht të suksesit në shkollë në Gjakovë, thotë ajo. Në moshën 16 vjeç shkon në Butte, Montana gjatë shkollës së mesme.
Pas rezultateve shumë të mira, shkolla e përzgjedh për ta përfaqësuar në “Christophorus Gymnasium Altensteig” në Gjermani.
U rikthye në Amerikë ku vazhdoi studimet në Univeristetin e Illinois në Chicago në degën Inxhinieri kompjuterike (Electrical and Computer Engineering).
E diplomuar në Maj të këtij viti, Rina punon sot në kompaninë Dell, si Inxhiniere sistemesh.
“Gjatë studimeve në UIC u bëra pjesë e organizatës SWE (society of Women engineers), ku së bashku takoheshim me vazja të shkollës fillore dhe të mesme për të bërë aktivitete të ndryshme të degëve të inxhinierisë, që vajzat ta shohin sa interesante është të bësh këtë punë. Po, ashtu kemi bërë aktivitete me femrat inxhinjere që kanë shumë vite në industri për të mësuar më shumë nga përvoja e tyre”.
Paraqitja e Rinës në Times Square ishte si përfaqësim i femrave inxhiniere në industri. “Më ftuan të jem një shembull për vajzat që dyshojnë se mund të kenë sukses në një industri të dominuar nga meshkujt”, thotë ajo.
Vitet e fundit, shumë vajza kanë treguar se kanë potencial në këtë drejtim.
Brigide Peposhi, një studente me rezultate shumë të mira në Inxhinieri Informatike, sapo mbaroi studimet në Shqipëri, u kërkua nga një prej kompanive më të njohura në Gjermani. Ajo sot punon atje.
Lexoni: Flet Brigite Peposhi. Inteligjenca artificiale mund të zgjidhë krimet
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
