Kafeja është një nga pijet më të konsumuara në botë dhe me hulumtimet e shumta se si ajo që konsumojmë ndikon në shëndetin tonë, nuk është çudi që këto fara të bluara janë në diskutim të vazhdueshëm.
Pyetja është: Deri në çfarë mase është e mirë pirja e kafesë për trurin tuaj?
Në vitin 2017, Boukje van Gelder dhe kolegët e saj raportuan për 676 burra të moshuar që kishin studiuar për 10 vjet për të parë nëse kafeja i mbronte ata nga rënia e aftësive njohëse. Ata zbuluan se burrat që pinin kafe kishin më pak rënie konjiktive të trurit sesa ata që nuk pinin.
Efekti më i madh u pa tek ata që pinin tre filxhanë kafe në ditë, ndërsa ata që pinin më pak apo më shumë panë efekte më pak dramatike.
Si kafeja mund të mbrojë trurin dhe të mbështesë kujtesën?
Këtu janë vetëm disa mënyra kryesore se si kafeja mund të mbështesë trurin:
- Kafeina rrit serotoninën dhe acetilkolinën, të cilat mund të stimulojnë trurin dhe të ndihmojnë në stabilizimin e barrierës gjak-tru.
- Mikronutrientët polifenol në kafe mund të parandalojnë dëmtimin e indeve nga radikalet e lira, si dhe bllokimin e enëve të gjakut të trurit.
- Përqëndrimet e larta të trigonelinës gjenden në kokrrat e kafesë, të cilat gjithashtu mund të aktivizojnë antioksidantë, duke mbrojtur kështu enët e gjakut të trurit.
Mbani mend, megjithatë, se jo çdo substancë në kafe është e dobishme. Kafeja e pafiltruar, për shembull, përmban vajra natyralë të quajtur diterpene, të cilat rrisin nivelet e kolesterolit LDL, duke rezultuar potencialisht në trashjen dhe ngurtësimin e mureve të arterieve në tru.
Si ta bëni kafen një nxitje të trurit?
Nëpërmjet kërkimeve dhe studimeve është zbuluar se kafeja ka më shumë efekte të mira sesa të këqija kur konsumohet në moderim.
Rekomandohen dy deri në katër filxhanë në ditë, ose më pak se 400 miligramë kafeinë. Pirja e kokrrave të kafesë të pjekura në errësirë dhe të bluar mund të zvogëlojë kimikatet e padëshiruara në pijen tuaj.
Ja se si mund ta pini kafenë për të maksimizuar përfitimet e saj për trurin tuaj:
- Praktikoni inteligjencën trupore
Kafeja nuk funksionon për të gjithë dhe mund të ketë efekte negative, veçanërisht nëse konsumohet me tepricë. Për të vendosur se sa kafeinë të konsumoni (ose nëse nuk duhet ta konsumoni fare), përshtatuni me inteligjencën tuaj të lindur të trupit. Kjo do të thotë të pranoni se si ushqimet dhe pijet ju bëjnë të ndiheni, pastaj të veproni në përputhje me rrethanat.
Nëse kafeja nuk ju bën të ndiheni mirë pasi e keni pirë, ndoshta nuk është e mirë për trupin tuaj.
- Bëjeni kafen pjesë të rutinës suaj të mëngjesit
Rutinat e mëngjesit mund të ndihmojnë në rritjen e aftësisë së trurit dhe ndjenjës së qëllimit. Gjeni një mënyrë përmbushëse për ta bërë kafen pjesë të mëngjesit tuaj.
- Mos i frekuentoni shumë kafenetë
Kursimi i parave dhe përgatitja e kafesë në shtëpi ju jep mundësinë të përdorni përbërës të shëndetshëm dhe të shmangni ato të përpunuara që mund të dëmtojnë stomakun dhe trurin tuaj.
/cnbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
