A do të dëmtohen mekanikët e vegjël nga makinat elektrike?


Craig Van Batenburg filloi karrierën e tij si mekanik makinash në vitin 1970. Për shumë vite, 67 vjeçari nga Massachusetts, ka folur për diçka që atë e shqetëson.

Ndërkohë që një uragan makinash elektrike janë duke ardhur, kjo do të zhdukë një forcë të madhe punëtore që ka qënë këtu prej vitesh. Pikërisht, serviset e vogla të lagjeve. Arsyeja është shumë e thjeshtë. Makinat elektrike nuk kanë kaq shumë nevojë për mirëmbajtje. Ato nuk kanë nevojë për ndërrim vaji, kanë më pak pjesë të çmontueshme, dhe prishen më pak. Disa probleme, mund të riparohen edhe nëpërmjet updateve të cilat kryhen online në makinë.

Kjo industri në Amerikë ka të punësuar rreth 750.000 punëtorë, rreth 4 herë më shumë se minatorë. Kështu, ata janë profesionistë tepër të kualifikuar të cilët nuk janë të përgatitur kundrejt këtij ndryshimi.

Lexoni: E ardhmja e ikonës Rolls Royce është 100% elektrike!

“90% e industrisë tonë nuk ka bërë asgjë, absolutisht asgjë që të parapërgatitet. Ata thjesht i kthejnë mbrapsht makinat dhe i thonë pronarëve: Ne nuk punojmë me këto makina. Shko tek Ford ose Toyota”.

Pavarësisht se ishte ideja e Volvo apo GM që të ndalojnë së prodhuari makina me djegie të brendshme, vrulli i Uber për të zhvilluar flota taksish autonome, e sjell këtë moment çdo muaj e më pranë. Van Batenburg mendon se anonçimi i Volvo ishte “pika e kthimit” jo zyrtare. Ai gjithashtu ka një kompani e cila përgatit forcë punëtore per makinat elektrike dhe hibride. Axhenda e tij më parë ishte e zënë 3 muaj në avancë. Sot? Më shumë se 1 vit.

Serviset e vogla indipendente, të cilat janë rreth 160.000 në Amerikë, kanë kryer gjithmonë shërbimet periodike të makinës. Shpesh ka ndodhur që pas kësaj, të identifikohet një problem tjetër dhe kështu serviset të fitojnë disa para më shumë dhe të krijojnë një marrëdhënie të afërt me klientët.

Por makinat elektrike, kërcënojnë vazhdimësinë e kësaj metode.

Makinat me djegie të brendshme kanë shumë komponentë të ndarë dhe kjo bën që të rritet numri i riparimeve të kryera. Kështu për shembull, makinat elektrike kanë nevojë për ndërrimin e ferrotave të frenave më pak. Kjo sepse një pjesë e frenimit kryhet nga elektromotorri, dhe kjo bën që brumi i ferrotave të konsumohet më ngadalë. Analizat parashikojnë se të gjitha kostot, do të jenë më të ulëta për makinat elektrike.

Van Batenburg ka përdorur një Nissan Leaf për më shumë se 1 vit. Ajo, ka patur nevojë vetëm për 1 orë servis gjatë gjithë kësaj kohe.

“Ne gjithmonë do të kemi nevojë për një teknik për makinat elektrike”. – shprehet ai. “Por do të ketë shumë humbje të vendeve të punës sepse kërkesa do të jetë tepër e ulët”. Sipas tij, 2/3 e forcës punëtore do të ngelë “në mëshirë të fatit”.

Por disa të tjerë janë pak më optimistë. Ata shprehen se koha do të nxjerrë probleme të reja me makinat elektrike apo hibride. Gomat, suspensionet, bateritë etj, të gjitha këto, do të duhet të ndërrohen. Kjo, ndoshta do të krijojë disa hapësira të reja për “ish-mekanikët”, dëshmorë të ndryshimit të teknologjisë.

Burimi: The Washington Post

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale