Gjendet një anije pothuajse perfekte, pavarësisht se ka kaluar 400 vjet nën ujë. Zbulimi misterioz u bë nga zhytësit ndërsa eksploronin në Detin Baltik në brigjet e Finlandës. Zhytësit, nga skuadra jofitimprurëse Badewanne, kanë hasur në anije të mbytura më parë, por asnjëherë aq të vjetër dhe të padëmtuar sa anija tregtare Holandeze.
LEXO: Shkencëtarët e NASA-s zbulojnë një rezervuar ujor në planetin xhuxh, Ceres
Anija daton në shekullin e 17-të, kur Perandoria Holandeze shtrihej në pesë kontinente, duke u bërë një superfuqi ekonomike, që ishte përgjegjëse e vetme për gjysmën e transportit Evropian deri në vitin 1670. Anija quhet ‘fluyt’, një lloj anijeje e krijuar për të transportuar ngarkesë maksimale me vetëm disa ekuipazhe.
Edhe pse shumë prej këtyre anijeve ishin shumë të përdorura në atë kohë, pak shembuj kanë mbetur në ditët e sotme. Anija është gjetur rreth 85 metra poshtë sipërfaqes dhe pavarësisht nga disa dëmtime të vogla nga rrjetat moderne të peshkimit, është kryesisht e paprekur. Temperaturat e ftohta, errësira dhe nivelet e ulëta të kripës nënkuptojnë se organizmat që zakonisht ushqehen nga anije prej druri nuk janë të pranishëm. Anija është në një gjendje kaq të mirë, saqë ekspertët ende nuk janë të sigurt cila ka qenë arsyeja pse u mbyt.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto