Ambasada e Austrisë në Shqipëri, në kuadër të promovimit të kinematografisë, do të transmetojë për një muaj rresht online duke filluar nga dt. 1 shtator, ora 16:00 në faqen e internetit të Ambasadës Austriake, filmin dokumentar Cinema Futures.
Është një film dokumentar për të tashmen dhe të ardhmen e filmit dhe kinemasë në epokën dixhitale. Në episodet individuale dhe aforizmat kinematografike skicohen skenarët e ardhshëm, frika kulturore por edhe utopitë e mbara, të cilat shoqërojnë kalimin epokal nga historia afërsisht njëqind e njëzet vjeçare e shiritit të filmit fotokimik analog, në kohën jo materiale dhe rrënjësisht të paqëndrueshme të rrjedhave dixhitale të figurave. Një film që flet për dashurinë për kinemanë, por pa nostalgji.
Është një udhëtim shoqërues përmes kohës, i filmuar në vende ndërkombëtare, ku takohemi me kineastë të njohur, kuratorë muzesh, historianë dhe inxhinierë. Me pjesëmarrjen e Martin Scorsese, Christopher Nolan, Tacita Dean, Apichatpong Weerasethakul, David Bordwell, Tom Gunning, Jacques Rancière, Margaret Bodde, Paolo Cherchi Usai, Nicole Brenez, Michael Friend, Greg Lukow, Mike Mashon, dhe shumë të tjerë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
