Një adoleshente problematike vrau veten pasi paralajmëroi një shoqe në telefon. Chloe Davison, 19 vjeç, u gjet e varur në shtëpinë e familjes së saj në Qarkun Durham më 20 dhjetor.
E reja po fliste në telefon me shoqen saj duke i thënë se e kishte lidhur litarin rreth qafës dhe do të bënte vetëvrasje, para se linja të shkëputej. Ekuipazhet e urgjencës shkuan menjëherë në shtëpinë e saj, por nuk ishin në gjendje ta shpëtonin dhe ajo u shpall e vdekur në vendin e ngjarjes.
Hetimi zbuloi se Chloe kishte qenë duke marrë mbështetje për shëndetin mendor që në moshën 16 vjeç dhe kishte një histori të vetëdëmtimit dhe pirjes së tepërt. Para vdekjes së saj, familja e saj ishte shprehur e shqetësuar për kujdesin që mori nga Tees Esk dhe Wear Valley Foundation Trust, i cili duket se e kishte larguar atë nga një ekip çrregullimesh, por nuk arriti të emërojë një punëtor mbështetës.
Familja e saj zbuloi më parë se si Chloe ishte fiksuar me imazhin e përsosur dhe do të hiqte fotot e vetes nëse nuk do të merrnin pëlqime të mjaftueshme në mediat sociale. Ajo gjithashtu kërkonte nga familja e saj që të pëlqenin fotot e saj. Nëna e saj Clair deklaroi se atw e vranë rrjetet sociale.
Ajo i tha Newcastle Chronicle: Ndikimi që ka, veçanërisht te të rinjtë, mund të jetë shkatërrues. Rrjetet sociale morën jetën e Chloe, qoftë Snapchat apo Facebook. Ajo e kishte të vështirë të shoqërohej duke qenë në shkollë. Rrjetet sociale ishte mënyra e saj për të kaluar ditën. Ajo nuk dilte shumë. Të rinjtë kanë nevojë për më shumë ndihmë dhe edukim në mediat sociale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
