Njerëzit që jetojnë në vende ku trafiku është shumë i madh përballen me një problem gjatë muajve të verës: mbajtja e dritareve hapur do të thotë hyrja e zhurmave brenda. Por një pajisje për anulimin e zhurmës mund ta zgjidhë këtë dilemë.
Bhan Lam nga Universiteti Teknologjik “Nanyang” në Singapor dhe kolegët e tij kanë krijuar një pajisje që mund të përgjysmojë zhurmën e trafikut urban, duke zvogëluar tingujt që vijnë përmes një dritareje të hapur.
Për të shmangur zhurmën në rrugë, studiuesit përdorën 24 altroparlantë të vegjël dhe i fiksuan ato në grilat e sigurisë së një dritare në Singapor. Studiuesit i programuan ata, që të lëshonin tinguj në të njëjtën frekuencë të zhurmës të zbuluar nga një sensor i vendosur jashtë dritares.
Lexoni: Program ekspozimi për Startup-et shqiptare
Pajisja ishte më e suksesshme në anulimin e zhurmës midis frekuencave prej 300 dhe 1000 Hz, me një ulje deri në 50 përqind të zhurmës për tinguj brenda këtij diapazoni. Kjo pajisje nuk shmang zërat e njerëzve.
Teknologjia e përdorur në këtë pajisje është e ngjashme me atë të përdorur në kufjet që heqin zhurmën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
