Trafikimi i produkteve mjekësore gjatë COVID-19, një kërcënim për shëndetin publik

Trafikimi i produkteve mjekësore gjatë COVID-19, një kërcënim për shëndetin publik

pajisje mjekesore

“Rritja e shpejtë e kërkesës për produkte mjekësore dhe nxitimi i shteteve për të blerë pajisje personale mbrojtëse gjatë pandemisë së coronavirusit ka krijuar mundësi e hapësira për grupet kriminale, të cilat janë duke shitur pajisje nën standardet e lejuara e shumë shpejt mund të kalojnë edhe në tregtimin e medikamenteve”, thuhet në një raport të Kombeve të Bashkuara.

Virusi ka theksuar më tej mangësitë në kornizat rregullatore dhe ligjore, që synojnë parandalimin e prodhimit dhe trafikimit të produkteve të tilla, thekson hulumtimi i titulluar “Trafikimi i produkteve mjekësore të lidhura me COVID-19, një kërcënim për shëndetin publik”.

“COVID-19 ka qenë katalizatori për një treg global, deri më tani të paprecedentë për trafikimin e Produkteve personale mjekësore. Ekzistojnë disa dëshmi të trafikimit të formave të ndryshme të produkteve mjekësore nën standarde dhe të falsifikuara”, thuhet në raport.

Lexoni: Një panel i pavarur! OBSH heton menaxhimin e pandemisë

Argjentina ka vendosur nën hetim një organizatë, që shiste dezinfektues për duart, maska për fytyrën dhe të tjera materiale që nuk ishin të autorizuara për shpërndarje. Gjithashtu, përmendet një raport i mediave për maska mjekësore jashtë standardeve që prodhohen në Turqi.

“Tendencat rajonale tregojnë se konfiskimet e konsiderueshme të pajisjeve mbrojtëse, kryesisht maska jashtë standardeve, kutitë e testit IVD (in vitro diagnostikues) kitet për COVID-19, kanë ndodhur në rajonet ku u regjistruan për herë të parë numri më i lartë i vdekjeve dhe infeksioneve; Azi, Evropë dhe Amerikë”, citohet në raport.

Sipas hulumtimit parashikohet se sjellja e grupeve të organizuara kriminale do të ndryshojë gradualisht gjatë kursit të pandemisë dhe me krijimin e një vaksine, ata do të përqendrohen në trafikimin e vaksinës.

Forcimi i kornizave ligjore, dënimeve dhe një qasje globale më e harmonizuar ndaj prodhimit dhe trafikimit të produkteve mjekësore të falsifikuara është thelbësore përfundon raporti, pasi vetëm një qasje e tillë do të mundësojë reagime efektive ndaj krimeve, që prekin individët dhe shëndetin publik.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0