82 pacientë të infektuar me COVID-19, shtohen vatrat e infeksionit

82 pacientë me koronavirus janë zbuluar 24 orët e fundit, duke e çuar totalin e të prekurve në 1672.

Marjeta Dervishi, nga ISHP njoftoi se një pacient 68-vjeçar nga Puka ndërroi jetë në spitalin Infektiv, pas disa ditësh nën trajtim intensiv.

Shpërndarja gjeografike e të prekurve në 24 orët e fundit është si vijon: 28 të prekur në Tiranë, 18 në Shkodër, 10 në Krujë, 8 në Durrës, 7 në Vlorë, 3 në Kamëz, nga 2 raste në Kukës, Elbasan, Fier dhe nga 1 I prekur në Korçë dhe Pukë.

Mes të infektuarve të rinj ka kontakte të personave të diagnostikuar më parë, por dhe raste të reja për të cilët po vazhdon hetimi epidemiologjik.

Lexoni: Handikapi vetjak: si e dënojmë vetveten

Aktualisht në spitalin Infektiv po marrin shërbim 50 pacientë, 8 prej tyre janë në terapi intensive, ndërsa 2 janë të intubuar. Në vendin tonë janë aktualisht 571 persona aktivë me COVID19, kryesisht në Tiranë, Shkodër, Krujë.

70 për qind e gjithë të infektuarve janë shëruar.

Që prej fillimit të marsit janë testuar mbi 21 mijë persona, prej të cilëve janë:

– 1672 të infektuar,

– 37 viktima;

– 1064 të shëruar,

– 571 të infektuar aktivë.

Shpërndarja gjeografike e pacientëve aktivë deri më 16 qershor është:

Tiranë, 271 pacientë aktivë,

Shkodër, 86 pacientë aktivë,

Krujë, 72 pacientë aktivë,

Kamëz, 30 pacientë aktivë,

Durrës, 33 pacientë aktivë,

Pukë, 11 pacient aktivë,

Vlorë, 28 pacient aktivë,

Lushnje, 12 pacientë aktivë,

Pukë, 11 pacientë aktivë,

Elbasan, 8 pacientë aktivë,

Fier, 6 pacientë aktivë,

Korçë, 2 pacient aktivë,

Librazhd, 1 pacient aktiv,

Mallakastër, 2 pacient aktivë,

Tropojë, 2 pacientë aktivë,

Mat, 2 pacientë aktivë,

Lezhë, 3 pacient aktivë,

Kukës, 2 pacientë aktivë,

Ura Vajgurore, 1 pacient aktiv,

Berat, 2 pacient aktivë,

Gjirokastër, 1 pacient aktiv.