Kryeministri Edi Rama, njoftoi se kjo është java e fundit me kufizime, në zonat e konsideruara të kuqe.
Prej 1 qershorit do të lejohet lëvizja e automjeteve në të gjithë vendin dhe gjatë fundjavave nuk do të ketë më kufizime.
Kreu i qeverisë foli edhe për transportin publik, por nuk dha asnjë datë konkrete se kur mund të rifillojë aktivitetin ky sektor. “Transporti publik do të rrijë i mbyllur edhe për pak kohë”, tha ai.
“Me përjashtim të aktiviteteve kulturore dhe sportive, dasmave, funeraleve ku ende s’do mund të mblidhen qindra njerëz bashkë, transporti publik që do rrijë i mbyllur edhe për pak dhe plazhet ku do të kenë masa sigurie, gjithçka tjetër do të jetë e hapur si më parë. Të hënën, në 1 qershor, do të hapen kopshtet dhe çerdhet, do të hapim kufijtë tokësorë, do të hapim qarkullimin e makinave në të gjithë vendin. Kjo do të jetë java e fundit e zonave me ngjyra, kjo fundjavë do të jetë e fundit e ndalim-kalimit të kufirit përtej çdo zone të kuqe”, tha Rama.
Lexoni: 1 Qershor, hapin dyert çerdhet dhe kopshtet. Ja cilat janë kriteret e stafit dhe prindërve
Nga 1 qershori
S’ka më zona të kuqe/ të gjelbra
Rihapet qarkullimi në të gjithë Shqipërinë
Hapen kopshtet dhe çerdhet
Hapen kufijtë tokësorë
Hapen plazhet për hotelet (10 qershor hapen për të gjithë qytetarët)
Do vazhdojnë të qëndrojnë të mbyllura
Aktivitetet sportive dhe kulturore me spektatorë
Transporti publik
Dasmat dhe funeralet me shumë njerëz
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
