Mbyllen 8 mijë portale që mundësonin lojërat online - Business Magazine Albania

Mbyllen 8 mijë portale që mundësonin lojërat online

lojërat online

Ndërsa u mbyllën lojërat e fatit vitin e kaluar, ato lulëzuan në një tjetër formë. Dyshimin e familjeve dhe shpresën e vartësve të lojërave të fatit e konfirmojnë të dhënat e Autoritetit të Komunikimieve Elektronike dhe Postare (AKEP). Loja online lulëzoi sipas të dhënave të AKEP.

Në raportin vjetor të AKEP, konfirmohet se janë me mijëra faqe online, që ofrojnë baste sportive dhe lojëra të tjera bixhozi. 8 mijë prej këtyre faqeve AKEP bën të ditur se i ka bllokuar gjatë vitit të kaluar.

Sipas raportit, në bashkëpunim me Policinë e Shtetit, Autoritetin e Mbikëqyrjes së Lojërave të Fatit dhe Autoritetin e Mediave Audiovizive si dhe me kërkesën e organeve kompetente, “është kërkuar mbyllja e aksesit për rreth  8000 domain-e, të cilat ofronin lojëra fati online në shkelje të ligjit respektiv për lojërat e fatit. 83 domain-e me anën e të cilave ofroheshin programe televizive në shkelje te ligjit respektiv për mediat audiovizive”.

Lexo: Lojrat elektronike me anë të internetit, jepen liçenca vetëm për kompanitë shqiptare

Këtu flasim gjithnjë për lojërat online, por nëse shikoni me vëmendje në lagjet tuaja, shumë prej hapësirave të dedikuara këtyre lojërave vijojnë të mbeten të hapura ndonëse pa ekranët e dikurshëm. Në shumë raste ato shërbejnë si kafene, bilardo, por klientela e tyre mbetet e njëjtë. Përmes telefonave të tyre, dhe llogarive të servirura nga këto lokale, loja vazhdon.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #36 - Tetor 2024

Vjeshta solli rikthimin e aktiviteteve biznesore në ritmin e tyre të plotë, pas pushimeve të verës. Sipërmarrjet shqiptare, me dinamikat e tyre të pandalshme, janë aktualisht para një sfide dhe mundësie më të madhe. Proceset e përafrimit me BE-në krijojnë një mundësi për një treg më të madh, por kjo kërkon njëkohësisht përgatitjen të duhur për tregun.

Eventet e fundit, veçanërisht Future2Tech, tregoi se shumë kompani shqiptare, kryesisht në fushën e zhvillimit të Softwareve, po punojnë tashmë për tregun e huaj dhe janë kompani ndërkombëtare në kuptimin e plotë të fjalës. 

Në brendësi të këtij numri ne kemi sjellë histori brandesh dhe histori njerëzore; histori sipërmarrësish dhe profesionistësh, të cilët kanë investuar kohë dhe pasion në punët e tyre për të parë rezultatet që duken sot. Një prej brandeve për të cilin flasim sot, mbyll 3 dekada biznes në Shqipëri, diçka që vlen të marrë përgëzime nga të gjithë. 

Histori nga vendi dhe diaspora, rrugëtime në tregti, shërbim, apo edhe konsulencë, ky numër sjell një gamë të gjerë artikujsh, të shtrirë madje mes biznesit dhe artit, të cilat, kur ndërthuren, sjellin zhvillime shumë të bukura për shoqërinë.

Interesant është fakti se kushdo që …

Shiko më shumë
Na ndiqni në rrjetet sociale
0